هنا الزاهد: «مرض أمي كسرني.. والحمد لله ربنا شفاها»

كشفت الفنانة هنا الزاهد عن حياتها الشخصية، وعلاقتها بوالدتها ووالدها، وذلك خلال استضافتها في برنامج "صاحبة السعادة" التي تقدمة الإعلامية إسعاد يونس، الذي يتم عرضة عبر شاشة DMC.

اقرأ ايضا| لأول مرة.. هنا الزاهد تكشف أسباب إنفصالها عن أحمد فهمي

وقالت هنا الزاهد: شقيقتي "نور" رايقة بتحب السفر والميك اب و "فرح" نفس شخصيتي، وأمى بتحب تدلعنا، ومش بتجبرنا على المذاكرة، وكنت بعاندها وشاطرة دايما، وفي آخر عامين اتصاحبت على شلة واترفدت أسبوع من المدرسة".

وأشارت هنا الزاهد، «أمى بتخاف علينا، ومربيانا قوى وتعلمنا منها كتير، وأنا رومانسية جدا وحساسة بزيادة، ومقدرش أعيش من غير ما أحب، وبتقمص وغيورة، وديما الأم نظرتها صح ومش بتخيب، ومرض أمى كسرنى والحمد لله ربنا شفاها».

وعن علاقتها بوالدها قالت قائلة: "بحب اللى يحتوينى وأشعر معاه بالأمان، ووالدى شخص جميل لكن مش بشوفه كتير"، وكان نفسى يكون معايا فى كل مراحل حياتى ويسمع كل اللى جوايا فهو مثقف كان هيفيدنى من تجاربه وانا مفتقداه فى حياتى".