حلت الفنانة انتصار ضيفة على الإعلامي تامر شلتوت في برنامج "في العمق".
وخلال لقائها كشفت العديد من الأسرار حول مشوارها الفني، إلى جانب تعليقها على أزمة تصريحاتها بشأن الأفلام الإباحية ونستعرض لكم في هذا التقرير أبرز تصريحاتها:
وأوضحت الفنانة انتصار معاناتها مع المعجبين، إذ أشارت إلى أن هناك رجلا سبها بسبب رفضها التقاط صورة معه على كوبري أكتوبر، ووصفها بالمستبدة، كما أكدت أنها اتخذت إجراءً قانونيًا ضد رجل آخر بسبب تطاوله عليها، وتعديه عليها لفظيًا، عبر تطبيق الواتساب، لذلك قدمت شكوى في مباحث الانترنت ضده وحبسته.
وروت: واحد قالي تعدى علي لفظيا عشان موقفتش اتصور معاه على كوبري أكتوبر وفي معجب تاني بعت لي شتيمة وصور على الواتساب، فأخذت إجراء قانونيا ضده، وقدمت شكوى بمباحث الانترنت، لأن إحنا مش هنعيش العمر كله نعمل بلوك، دا كان عايش علي هو وأصدقائه.
وأضافت انتصار: عنده 27 سنة، وسجنته ومقابلتش أهله، اللي قده معاهم عيال، فمش ذنبي إنه مش متجوز، ولا إن أهله مش مربينه، ممكن أتنازل عن بلاغي ضده عشان أحبس واحد تاني، إحنا أهالينا تعبوا معانا وربونا، فطلعنا منضبطين، اللي زي ده مترباش.
وعلقت انتصار على أزمة تصريحاتها بشأن الأفلام الإباحية، حيث أكدت إنها لم تشجع على مشاهدة تلك الأفلام مثلما زعم البعض، ولكنها أرادت من تصريحاتها إيجاد سببًا من أجل مشاهدة هذه المواقع، كما أشارت إلى أنها نشأت على سينما مليئة بالقبلات، وأكدت أنها ترفض مصطلع السينما النظيفة.
وتحدث انتصار عن هذا الأمر، إذ قالت: أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟، ام كلثوم غنت للقبلة كارهين القبلة ليه؟، إحنا متربين على سينما كلها قبلات، وماله المايوه موجود وبيتباع في الشارع، ليه عايزين تاخدوا تصريح على لساني تدينوا بي المايوه؟، مانا بلبس المايوه انزل بي البحر مش مقاطعاه، حرام عليكم بيقيتوا تافهين، لما تختصر الفنان وتقعد تتكلم عن القبلات فقط تبقوا تافهين، يعني إي سينما نظيفة مغسولة يعني؟!.
أما عن تصريحاتها بشأن الأفلام الإباحية، فقالت: كنت في البرنامج وبنعمل حلقة عن أسباب مشاهدة الفيديوهات الاباحية، فناس قالت بنصبر نفسنا، فأنا قلت الناس بتتفرج ليه؟!، كنت عايزة اجد أسباب، منها الفضول والمراهقة وأحيانا بيكون مرض، إجابة عادية، لكن مقولتش أنا بدعم الفرجة على الأفلام الإباحية.
وتحدثت انتصار عن تجربتها في برنامج رامز جلال، أثناء حلولها ضيفة عليه، إذ أكدت أنها لم تعرف من قبل بذهابها لرامز، وأنها فوجئت به في الحلقة، كما أوضحت أن إطلاقه عليها هشتاج فاتنة الشرق لم يزعجها، بل أنها حاولت ان تستثمر نجاح الهاشتاج وتفاعل الجمهور معه.
فقالت انتصار: مكنتش عارفة اني رايحة لرامز، ونزل عليا كريزة ضحك في الحلقة لما رعفت المقلب، وتشبثت بـ هشتاج فاتنة الشرق كمل معايا، هتشبث بيه وهبقا انتصار فاتنة الشرق، كمان في واحد قالي واحد قالي انتي هيلكوبتر مصر، دي زي باشا مصر كدة، بس فاتنة الشرق أحلى.
وتابعت انتصار: حد قالي إنتِ كبرتي ولسة حلوة، قلت له البضاعة بتبان بعد الحمل والرضاعة، أنا بحب ابتسامتي والنغزتين اللي عندي جدًا.
كما أكدت انتصار أنها لا تلتفت لآراء بعض النقاد، موضحة: في نقاد معروفين أنهم مرتشين وممولين، وفي منهم ناس بتتمادي في الغلط، أنا بشوفهم بيتمادوا لكن مبكلمهمش ولا أعاتبهم عشان مبيقاش في صداقة بينا.
وأعربت انتصار عن استيائها من تعميم الخيانة على كل الرجال، إذ أكدت أن هذا ليس صحيحًا وأن هناك العديد من الرجال مخلصين لزوجاتهم، وعندما يقعون في الحب يكون حبهم أصعب من السيدات، كما اشارت غلى أنها تحتاج لرجل في حياتها كأي أنثى لا تستطع العيش بدون رجل في الحياة حسب قولها.
فقالت انتصار: أنا محتاجة راجل في حياتي، مفيش ست مش محتاجة راجل، دا ضد الطبيعة، أنا محتاجة راجل لكن عشان ولادي في سن صعب، وشاغلة نفسي بالشغل.
وتابعت انتصار: يعني إيه كل الرجالة خاينة؟.. عيب، ليه يتعمم في رجالة محترمة ومتربية وبيحبوا بجد، حب الراجل أعظم من حب الست، لما تقولي كل الرجالة خاينة؟، ابوكي خاين؟!.
وأضافت انتصار: مصطلح المرأة المستقلة عبارة عن أأفكار مشوهة مفيش حاجة اسمها كده، المرأة تحتاج للرجل والعكس، والمرأة محتاج لرجل عشان تحقق أموميتها، في حاجات كتير بتهد الزواج، فإحنا لازم نفوت لبعض عشان نكمل مع بعض، أنا بحب الراجل اللي يغير عليّ، لأن الممثلة الكوميدية بتكون جريئة شوية، لكن جوزي كان بيعلق على لبسي.
كما انتقدت انتصار بعض الإعلاميات، قائلة: في ناس موجهة بتقدم حاجات موجهة، مذيعين طالعة من غير CV، في مذيعة طالعة تتكلم في الطب النفسي وعن المشاكل الاجتماعية، أنتِ دارسة اي في علم النفس عشان تتكلمي في المشاكل، اتكلمي في حاجة تعرفيها.
وأضافت: دول ممكن يترفع عليهم قضايا لأنهم بيأذوا المجتمع، العيب على اللي عمل لهم البرامج، مش عليهم ، واللي مش بيحبني في البرامج ميتفرجش عليّ تاني.
كشفت الفنانة انتصار شروط ومواصفات الزوج التي تتمناه لابنتها، إذ أكدت أنها لن تسمح للابنة بالزواج من رجل اكبر منها سنًا، هذا بجانب أنها إذا لم تتألف مع والدة العريس فلن تقبل بهذه الزيجة.
فقالت انتصار خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب: أنا بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه، ولو أمه مش كويسة ومدخلتش دماغي هرفضه، حتى لو الواد آية لا يمكن أقبل.
وتابعت انتصار: لو حصلت مشاكل بين بنتي وزوجها، هنحكم أهله وهنرجع للأب لو الأم أرشانة، هتتحكم وتمشي كلامها على جوزها، وابنها هيسمع كلامها، فلما اقولها ابنك غلط هتقولي لأ فهجيبها من شعرها، هي من سني هنتعامل وجه لوجه أنتِ ست أرشانة.
وفي سياق آخر، تحدثت انتصار عن نشأها فأشارت إلى أن أصلها صعيدي من الأقصر، ولكنها ولدت في الاسكندرية وهو ما أثر في شخصيتها بشكل كبير، حيث قالت: أهلي صعايدة من الأقصر لكن اتولدت في اسكندرية، ومكانوش راضيين أمثل في البداية لكن بعد كدة وافقوا، وأول أجر ليا كان 75 جنيه، أديت لأمي منهم 50 واخدت الباقي.
وتابعت انتصار: والدي حافظ القرآن كله، واسمه مكتوب عندنا في البلد على الحيطة، كان عنده زهد في الدنيا كبير، كنت مؤهلة لوفاته لأنه تعب جدًا قبلها.
