رد الفنان تامر حسني على الانتقادات التي توجه له بسبب فيلمه الجديد "تاج".
وكتب تامر حسني عبر خاصية القصص القصيرة عبر حسابه على إنستجرام: "فيلم تم بيعه بنجم شباك 1 مش تجميعة نجوم، ودي حاجة تُحسب للفيلم وبعملها كل سنة الحمد الله، وكونه نوع جديد للسينما العربية يحسب للفيلم بردو والفيلم الحمد لله تم توزيعه النهاردة عالميًا، أكيد دي حاجات بتزعل بعض ضعاف النفوس".
وأضاف: "وكمان بقى بجتهد وبألف وبخرج زمن غريب والله، بنلوم فيه على المجتهد الناجح و سايبين الكسلان المقصر، يكفيني شرف إن الفيلم العربي صاحب أعلى إيرادات في تاريخ السينما العربية دوليًا إنتاج مصري، هو فيلم من إخراج تامر حسني فيلم (بحبك)".
وتابع: "دي واقعها على الودن عادي؟ لا طبعًا، هي مؤلمة أوي بس مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجه زي كده بتشجعهم إن مفيش مستحيل ولا يمكن تبقى حافظين مش فاهمين ولا يصح إلا الصحيح، والجمهور ذكي جدًا يمكن بسبب الحملات الساذجة دي الجمهور زاد طلبه على الفيلم، لأن الحملات زادت فضول الناس إنها تروح الفيلم عشان تحكم بنفسها".
واختتم كلامه: "ولما راحوا عجبهم الفيلم بدليل إيراداته الضخمة لو جبت أهم شركات في العالم عشان يقدموا فكره بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردوده أقوى من الدعاية اللي بندفع فيها فلوس أهو بالمرة نشيل من على شركة الإنتاج باند الدعاية عشان مكلف أوي بصراحة ونسيبه على المغيوظين هما يدفعوه ربنا ما يقطعلهم عادة، وفيلمي اللي جاي تصويري كمان".
فيلم "تاج" بطولة تامر حسني، ودينا الشربيني، وساندي، وبيومي فؤاد، وهو من تأليف تامر حسني وإخراج سارة وفيق.
وتدور أحداث فيلم "تاج" في إطار كوميدي فانتازي حول شخصية البطل الخارق أو الـ"سوبر هيرو"، ويجسد تامر حسني شخصيتين لشقيقين توأمين اسمهما تاج وهارون، ويمران بالعديد من الأزمات، أما الفنانة دينا الشربيني فتجسد دور مدرسة موسيقى.
