علق الفنان بيومي فؤاد على بعض التصريحات التي صرح بها بعض مسؤلي ولاعبي وجماهير نادي الزمالك بعد هزيمتها برباعية من النادي الأهلي الذي حسم بطولة الدوري قبل انتهاء جولاته بـ5 مباريات.
وقال بيومي فؤاد خلال مداخلة هاتفية ببرنامج “حضرة المواطن” الذي يعرض عبر قناة "الحدث اليوم": "عمري ما غلطت ولا قليت أدبي على جماهير الزمالك، أنا ربنا خلقني أهلاوي إيه المشكلة، الزمالك لو اتغلب من ريال مدريد هيدوروا على أي حاجة غير إنهم وحشين".
وأضاف بيومي: "شيكابالا قال لعمرو أديب لو كورة هناخد الدوري، يعني إيه كورة هو احنا بنلعب بلي، امتى هتقولوا إنكم اتغلبتوا النهارده علشان وحشين أو اللي قدامكم كانوا كويسين".
وتابع: "إيشمعنى احنا كلامنا اللي بيبقى مر ولو الزملكاوي شتم وقل أدبه يبقى كويس، الزملكاوي بيقول لو كرة زيزو دخلت طيب ما كرة أفشة جت في العارضة، ده ماتش 6/1 بيقولوا لو كورة وليد صلاح عبد اللطيف دخلت كان الزمالك كسب، هو ده كلام يعقل".
وكان تعرض الفنان بيومي فؤاد لوعكة صحية منذ فترة قصيرة، وكشف عن تطورات حالته، مؤكداً وأنه عانى من مشكلة فى عصب القدم بسبب زيادة الوزن ويسعى إلى العلاج بالخارج مع محاولة لإنقاص وزنه، وأشار إلى أنه يعاني من بعض المشكلات فى ظهره وقرر الاستراحة فترة.
اقرأ أيضاً - الصور الأولى من حكاية «كاملة» ضمن مسلسل «حدث بالفعل»
