وجه الفنان هاني عادل سؤالا لمتابعيه يتساءل فيه عن سبب انتقاد تقديم الألفاظ الخارجة في الأغاني والمهرجانات، على عكس تواجدها في أغاني الراب والأعمال الأجنبية، مؤكدا على أن هناك أعمال فنية تحتاج لتلك الألفاظ للتعبير عن المشاعر.
وكتب هاني عادل منشورًا، عبر حسابه الشخصي بموقع التواصل الاجتماعي فيسبوك، قال فيه: ليه الشتيمة والألفاظ في الراب عادي والمهرجان والأغاني العادية مش عادي، ليه الشتيمة والألفاظ في الأفلام الأجنبية اللي بتوافق عليها الرقابة عادي، والشتيمة في الأفلام المصري مش عادي؟.. ده ليه؟ هو الشتيمة لو جايه من حد بيلبس شيك أو بالإنجليزي تفرق عن واحد شعبي وبيتكلم مصري من الشارع أو بيغني؟.
اقرأ أيضًا.. هاني عادل: سعيد بالتعاون مع ريهام حجاج في «جميلة»
وتابع هاني عادل: محتاج أفهم فعلًا محتاجين نعرف برضه، إن فيه مشاعر في الأغاني والأفلام مش هيتعبر عنها إلا كدة، هتقولي والأطفال هقولك عيالك يعرفوا شتايم من قباحتها مش يوصلك معناها أصلًا، وابقى احترم أنت وعيالك لما بيتكتب على السينما فوق 18، وفيه محطات راديو بفلوس برضه في العالم كله فوق 18.. هي أسئلة كتير بس أتمنى يكون ليها إجابة.
وأعرب الفنان هاني عادل عن سعادته لمشاركته في مسلسل "جميلة" خلال السباق الرمضاني لعام 2023.
