أحمد حلمي يكشف إمكانية تقديمه فيلم رعب: بحب الحاجات اللي بتأثر في المشاهد

حل الفنان أحمد حلمي ضيفا على محطة راديو إنرجي 92.1، مع وائل منصور ومنة عامر في برنامج عيشها بإنرجي، مساء اليوم، بعد اختياره نجما لشهر مايو.

وأجاب أحمد حلمي على سؤال مهم حول إمكانية تقديمه لفيلم رعب أو نوعية مختلفة عن الأفلام الكوميدية وقال: "آه طبعا جدا.. ممكن أعمل أي دور.. أنا بدور دايما على إني أقدم حاجة تأثر في المشاهد وتخرج منها تفكر إن الدنيا وجهات نظر.. ولما بلاقي فيلم مبيقدمش حاجة زي دي بستخسر أعمله.. المواضيع الإنسانية كتير ومهمة أوي". 

وأشار أحمد حلمي إلى أنه يحب سينما "البلاك كوميدي"، موضحا: "عشان أنا برسم والرسم والتأمل وتجريد الأشياء نظرة فنية فا جايز ده اللي حببني في الحتة دي". 

واستطرد أحمد حلمي قائلا: "ممكن شخص طبعه دايما صامت وساكت ويكون بيضحك جامد جدا.. زي نجيب الريحاني أو دريد لحام.. بيقدموا قمة الكوميديا لكن لما تقابلهم مبتلاقوش شبه اللي بيقدمه". 

وعن قدرته على الحفاظ على التواصل مع مختلف الشرائح والفئات العمرية من الجمهور، قال أحمد حلمي:" أنا بلعب على الكلاسيكيات في الكوميديا .. البني آدم.. مش النكت والطرائف اللي طالعة مع اختلاف الأوقات..  اللي بيضحك من 10 سنين بقى النهارده قديم.. وبعتمد على الإيفيه اللفظي اكتر من الموقف الإنساني".