يوم ما نصلي الفجر جماعه
زي صلاة العيد والجمعه
حق القدس هاييجي في ساعه
ترجع لينا كرامه وسمعه
إحنا بعدنا كتير عن ديننا
قال إيه فاكرين إتمدنا
خدنا من الغرب التفاهات
والأقصى بيتاخد منا
أدي الكل استهزأ بينا
العيب أصلا منا وفينا
إحنا بنتقسم أحزاب
والغرب بيتحدوا علينا
ربنا نص نصوص نسيناها
قال اعتصموا احنا تركناها
حتى الجامع ما بقاش جامع
بعد جماعته اللي هجرناها
لم الشمل شملهم هما
صبحوا عواصم ليهم أمه
احنا بنستسلم للواقع
واحنا بنتمرمغ في الغمه
الأستاذ بيسب الدين
والناظر شحات ومدين
مين في الجيل الصاعد مثلاً
ينفع يبقى صلاح الدين
