هاجمت الفنانة رانيا يوسف طليقها المنتج محمد مختار، بعد تصريحاته الأخيرة، بأنه ملتزم بسداد مصروفات بناته، ويرسل لها الآلاف من الجنيهات شهريًا، إذ كذبت مختار، وأفادت بأن كل ما يقوله تمثيل وليس حقيقيا، حسب وصفها.

وكتبت رانيا يوسف تعليقًا، على فيديو محمد مختار، عبر انستجرام: الحقيقة أنا مقامي أكبر من أن الواحد يرد على واحد زيك، لطيف أن الواحد يكذب ويصدق نفسه، طول عمرك ممثل فاشل، واللي بعتاك تقول الكلام ده أفشل منك.

رانيا يوسف

سخرت رانيا يوسف من تصريحات طليقها محمد مختار، إذ كتبت تعليقا قالت فيه: يعني معاك 15 ألف، وممعاكش مستندات بفلوس المدارس اللي بتدفعها؟! الـ 15 ألف دول تصرفهم على القطط اللي بتأكلهم في الشارع.

قال محمد مختار بأنه يرسل لها 15 ألف جنيه شهريًا مصروفات إطعام بناته، إذ قال: معايا مستندات فيها ختمي وبصمتي وحزين إني طالع أقول كدا.. وهي قالت إني مش بصرف على بناتي، لكن أنا معايا ورق رسمي ومستندات، تثبت أن اللي قالته غلط، وببعت لها شهريًا 15 ألف جنيه أكل وشرب لبناتي، وكمان 800 ألف للتعليم بس.

تصريحات رانيا يوسف ومحمد مختار

أضاف محمد مختار: أنا على مدى 5 سنين مردتش على رانيا يوسف ولكن الموضوع زاد، وأنا اديتها كل حاجة أعمل إيه تاني، كل اللي أتطلب مني دفعته، وبحولها الفلوس كل شهر، قبل القضايا وبعدها، وعملنا بند عند المحامي فريد الديب إننا منتكلمش عن حياتنا الشخصية، اللي اتقال عليا كتير وعمري ما فتحت بوقي.