ردت الفنانة منة فضالي على منتقدي مسلسل " جعفر العمدة " ، والذي تشارك فيه بجانب الفنان محمد رمضان والمقرر عرضها على قناة dmc حصريا.
وصرحت الفنانة منة فضالي من خلال بث مباشر، وذلك عبر حسابها الرسمي بموقع التواصل الاجتماعي " فيس بوك" .
أقرا ايضا | فى الحلقة الخامسة من «الكبير اوي» ..مكي يصطحب رحمة أحمد فى رحلة خارج المزريطة
ووجهت منة فضالي حديثها لمنتقدي مسلسل "جعفر العمدة" قائلة : "محمد سامي عامل مسلسل رهيب وكتر ألف خيره، وأنا بضايق لما بلاقي حد كاتب حاجة مش حلوة على المسلسل ".
وتابعت: " اكتبوا حاجة حلوة على المسلسل وخلاص ولو مش عاجبك المسلسل ملكش دعوة ومتبقوش كده خليكوا لطاف عيب كدة ".
وأضافت: "موضوع تعدد الزوجات وارد وفي ناس بتتجوز تلاتة وأربعة واتنين والمسلسل حلو وبصوا عليه من نظرة تانية " .
واستكملت: "إحنا مش بنعمل رسالة إحنا بنعمل تأليف ممكن تكون موجودة أو لا بس كل واحد يبص عليه بطريقته " .
واستطرت: "مش عايزة حد يكون مضايق من الستات وقصة الزوجات والحما في ناس كده كتير وده مش عيب واحترام الحما ده موضوع كبير حتى لو بتشتم وبتزعق لازم نحترمها لأنها ست كبيرة ".
وأنهت : " شكرًا على كل تعلقاته ودعموا ليا وكل أبطال العمل، و أنا والله العظيم كنت خايفة جدًا من الدور ده لأنه كوميدي وأنا أول مرة في حياتي أعمل دور كوميدي وكمان الدور صعب جدًا، ولسه في شغل مهم واحنا كلنا تعبانين فيه وعاملين مجهود وبالأخص أستاذ محمد سامي ومحمد رمضان " .
وتحدثت الفنان منة فضالي عن جميغ أبطال العمل وقالت: هالة صدقي ملهاش حل وهي مسلسل لوحدها وبشكر كل زملائي في المسلسل واحد واحد وكلهم نجوم ومنورين وإيمان العاصي فظيعة ومي كساب راهيبة، وأحمد فهيم سيد العمدة رهيب وكارم ومنذر وزينة وكل المسلسل أحلى من بعضهم ومش عايزة أنسى حد احنا كاست كبير وبيومي فؤاد أضافة للعمل ويارب يكون المسلسل عاجبهم.
وتابعت: محمد رمضان فاكهة المسلسل وبيقتلنا ضحك وتعب جدا في المسلسل وبيشتغل على نفسه كتير أوي على نفسه ومحمد سامي أكتر حد تعبان لأنه شايل كاست كبير وبيستحملنا بمشاكلنا وبلاوينا.
