علق مطرب المهرجانات حسن شاكوش، على الانتقادات التي تعرض لها بعد إعلانه عن تكلفة حفل زفافه بـ 4 ملايين جنيه.
وقال حسن شاكوش في لايف عبر حسابه بموقع التواصل الاجتماعي للصور والفيديوهات" انستجرام": في ناس بيقولوا إزاي صارف على الفرح 4 مليون جنيه، يا جماعة أنا قصدي الفرح بالكامل من بيت وعفش وشبكة وشهر عسل.
أقرأ أيضا الليلة.. نهى العمروسي ضيفة برنامج vip
وتابع: أنا بكلم أي عريس وعروسة وهما عارفين المصاريف والتكلفة وبتلاقي الدنيا فتحت عليك وأكيد ده اللي أقصده، ويا ريت اللي بيحب الخير لغيره يفرح له حتى الفرحة مستكترينها على الواحد دي بتيجي مرة في العمر.
وأختتم: أنا حسبت مجمل تكلفة فرحي من تجهيز البيت والعفش وكل حاجة، وأي شاب بيجيب دهب، وأقل شاب بسيط لو عاوز يتجوز هيدفع شقة وعفش ودهب أقل حاجة 500 أو 600 ألف جنيه وأنا واثق من الكلام ده لأن الدنيا غليت وولعت في العالم كله، ومش بلدنا بس في ناس بتفكر بلدنا بس، وفي أفراح لوحدها بس بتتكلف ملايين غير بقى البيت، أنا توضيب البيت قطم وسطي وكل المطربين اللي جم لي الفرح جم بالحب لأن ربنا عالم بحالي وباللي جويا لأني عمري ما أذيت حد ولا أتكلمت على حد ولو حد بيفهم أني تنك قسما بالله أنا ما كده أنا اللي يعرفني في الحقيقة ويعاشرني هيتصدم لأني ماشي بمبدأ ما أحكمش على حد إلا لما أعاشره".
