كشف الفنان محمد رمضان تفاصيل دوره في مسلسله الجديد، الذي يحمل اسم "جعفر العمد"، المقرر عرضه في الماراثون الرمضاني المقبل 2023، وذلك خلال استضافته في برنامج «مساء dmc»، الذي يتم عرض على قناة dmc.
ترصد "بوابة أخبار اليوم" في السطور التالية، أهم وأبرز تصريحات محمد رمضان في الحلقة.
- جعفر العمدة شخصية مصرية أصيلة، ينتمى إلى حي السيدة زينب، عنده انتماء وأصل، وراجل مطلعش من جلباب أبوه ولا المنطقة اللي نشأ فيها، عنده صفات كتير عظيمة، وأيضًا عنده أخطاء بشرية طبيعية، والكمال لـ الله وحده، والعظيم في الشخصية إن هو شخص بيتدراك أخطائه مع المواقف، واللي بيمر بيه في حياته، وبيعترف بيها، وشخصية أنا حبيتها جدًا.
وأردف محمد رمضان حديثه عن وجه الشبه الذي يجمعه مع شخصيته في مسلسل جعفر العمدة، إذ قال: علاقته بوالدته، وإزاي هو مسيطر في الشغل وعنده نفوذ، الشخصية اللي بمثلها هي راجل أعمال في مصر، ولكن قدام أمه بيبقى صغير، وديه الحاجه اللي بتشبهني في العمل.
محمد رمضان: جعفر العمدة تحدي بالنسبة لي
عن سبب اختياره للشخصية، قال محمد رمضان: الشيء الأول فكرة السن، بجسد شخصية أكبر مني بـ 20 سنة، وده تحدي كبير جدًا، إن إزاي الجمهور يصدق محمد رمضان في المسلسل إنه سنه 56، وده شيء استفزني كممثل، إن التفاصيل كلها تبان والحركة بردو في السن ده، ولكن التفاصيل مهمة جدًا والحركة بتبقى أبطأ شويه من الشباب، ومسكة كوباية الشاي حتى بتكون مختلفة، وهي بتكمن في اللاوعي عندي، أعتقد إن ديه ممكن تعمل المصداقية، وفيه تفاصيل كتير جدًا قدرت تمر في اللاوعي عند الجمهور، ويخلي الجمهور يصدقني.
وأضاف محمد رمضان: عنده الطبيعي لأي شخص عنده طموح وحريص على سعادة جمهوره، وإن هو يقدر ينال إعجابهم، وطول الوقت بنشوف إزاي نقدر نتخطى نجاحاتنا السابقة، الحمد الله الأسطورة كنت جاي من ابن حلال وكان تحدى صعب، والحمد لله قدرنا نتخطى، البرنس ونسر الصعيد، وكل مسلسل بيبقى له تحدياته، وأنا وسامي عملنا سوا نجاحين صعب جدًا إن ندخل في تحدي معاهم، ولكن قولنا بسم الله وثقة في الله، وبوعد الجمهور إن جعفر العمدة هيتخطى البرنس والأسطورة.
محمد رمضان: أكتر لقب أقرب لقبي هو أسمي
واختتم محمد رمضان: أكتر لقب أقرب لـ قلبي هو محمد رمضان، بحس إنه جميل لإنه اسمي واسم أبويا، ومحمد رمضان كل دول، ابن حلال والأسطورة، والبرنس، نمبر وان، فأنا فخور باسمي جدًا.
اقرأ أيضًا | حقيقة أبطالها شهداء| «الكتيبة 101» يسطر تاريخ أقوى كتائب الجيش المصري
