عبر المطرب عمرو دياب، عن سعادته بمشاركته باحتفالية تكريم الموسيقار هاني شنودة، وقال بعد مقابلته بالكينج محمد منير: "محمد منير نجم كبير وطول عمري بحبه كمغني من قبل ما ابتدي في مسيرتي الفنية وهو عارف الكلام ده وقفتي معاه دي حاجه عظيمه بنسبالي للتاريخ"
وأضاف عمرو دياب، من خلال برنامج et بالعربي: "هاني شنوده يستحق التكريم عشان هو فنان كبير، ولما يجي حد يقوله عايز أغني ويبتدي هو ينصحه ويوجهه ودي رسالة محتاجينها دلوقتي وأنا بشكره وكان لازم يتكرم".
وتابع: "أول مرة أغني مع اوركسترا ولكن جميلة وممتعه، كل الفنانين الذين حضروا حبايبي وصحابي والاحتفالية دي رجعتنا لورا ولازم يكون في احتفاليه وتجميعه كل فترة عشان نشوف بعض ونشوف الجمهور والناس المحترمة زي الأستاذ هاني شنوده ومحمد منير وغيرهم من الناس الكويسة الحلوه".
وأتى الحفل الذي حمل عنوان ذكريات مع الموسيقار هاني شنودة على خشبة مسرح أبو بكر سالم، ويعد من أضخم حفلات موسم الرياض، واجتمع فيه بالغناء لأول مرة كل من عمرو دياب، أنغام، محمد منير، أحمد عدوية، مي فاروق، مصطفى حجاج، فرقة كايروكي بقيادة أمير عيد وكوكبة من المطربين وتولى إخراج الحفل المخرج خيري بشارة.
اقرأ ايضا
