علق الإعلامي عمرو أديب على تألق النجم محمد صلاح مع ليفربول بعد الفوز الساحق على مانشستر يونايتد بسبعة أهداف مقابل لا شيء قائلا: "أنت النهاردة كمصري وكعربي وكمواطن بتحب الرياضة يجب أن تحترم جدا محمد صلاح".
وقال أديب خلال تقديمه برنامج "الحكاية" المذاع عبر فضائية "إم بي سي مصر": هي دي الناس اللي بتراعي ربنا هي دي الناس اللي بتصحى بدري هي دي الناس اللي بتستحمل الضغط هي دي الناس اللي عارفة أنها عليها مسئولية جمهور اقعد مع صلاح وشوفو هو بيفكر أزاي ده أصعب موسم لصلاح".
وأكمل: "محمد صلاح بقى الهداف التاريخي لليفربول.. أنا فاكر "صلاح" أما طلع في أحد البرامج في أول موسم له مع ليفربول أما كان مسجل 31 هدف قال للمذيعة أنا عندي حلم أكون الهداف التاريخي للنادي".
وتابع: "محمد صلاح كان بيسعى للحلم وباقي على تحقيقه 100 جول.. إحنا عندنا في مصر اللي بيسجل هدفين بيكون عايز يجدد عقده"، لافتا: "محدش يقول محمد صلاح بياخد كام.. قول محمد صلاح لما بدأ كان بياخد كام".
اقرأ أيضا |عمرو أديب عن مكاسب واقعة النصب بـ«هوج بول»: تجارة المخدرات والسلاح مبتعملش أرباح كده
