عبر مطرب المهرجانات حسن شاكوش، عن رأيه في السوشيال ميديا ومحتوى تيك توك.
وقال شكوش، الشباب أصبحوا يقدمون محتوى غير لائق بهدف جلب الأموال.
ونشر حسن شاكوش فيديو عبر حسابه بموقع فيس بوك قائلا: "الواحد بقى يشوف حاجات غريبة، والموضوع بقى مقرف جدًا، حتى التيك توك اللي كنا بنحب نتفرج عليه علشان يهون علينا علشان نشوف حاجات تضحكنا، بقينا نشوف فيه عبط وهبل والعيال اللي بتعمل تحديثات ولايفات اللي بيحمي نفسه بالشطة واللي تبهدل نفسها.. إيه الهبل اللي أنتم فيه ده".
وأضاف حسن شاكوش، "في محتوى بيجيب فلوس أسهل من قلة القيمة اللي أنتم فيها دي، وأنا عمري ما اتكلمت ولا شغلت بالي لكن إيه القرف اللي بنشوفه على التيك توك ده".
وأكد شاكوش، "يوجد ناس كتير محترمة وفيه ناس كانت بتستفاد منه وأنا شخصيًا كنت بستفاد منه، إنما القرف اللي الواحد بيشوفه ده مش ممكن، اعمل حاجة تفيدك ولو محتاج فلوس اعمل حاجة تفيد الناس علشان لما عيالك يكبروا يشوفوا إنك بتقدم محتوى كويس".
وأشار شاكوش، :ابنك لما يكبر هيلاقي أنك شاب أو ست تافه وهايف، هيبقوا هايفين زيكم، هل تقدر وأنت هايف تقول لابنك ما تعملش كده، والفلوس مش كل حاجة ده قرف، وأول مرة أطلع أتكلم على حاجة لكني بقيت أكره أفتح التيك توك بسب الأشكال اللي الواحد بيشوفها".
يذكر أن حسن شاكوش، طرح مؤخرا أغنية «حنيلي»، عبر يوتيوب، وحقق من خلالها نجاحًا جماهيريًا كبيرًا في العالم العربي.
وأغنية «حنيلي»، من كلمات وتوزيع إسلام ساسو، وإنتاج مزيكا، والفيديو كليب من إخراج هادي الباجوري.
اقرأ أيضا| بعد تساؤلات كثيرة.. بوابة أخبار اليوم تكشف هوية «خطيبة حسن شاكوش»
