قال الفنان أحمد آدم، إن عمل تريند ده مش شيء صعب، مضيفا: «في ناس هرشت الزتونة وبقت عارفة التريند بيتعمل ليه.. اعمل أي حاجة شاذة أي حاجة هبل أي حاجة عبط اشتم اي حد هتبقى تريند، والغريبة أنها بتخش على الناس».
وتابع أحمد آدم حديثه بتجربة حية على الهواء، تحدث فيها عن نجم الجيل تامر حسني، تارة بالكلام السلبي وتارة أخرى بالإيجابي، ولكن سرعان ما انتشر الكلام السلبي الذي قاله أحمد آدم عن تامر حسني، وتصدر أحمد آدم حديث مواقع التواصل الاجتماعي رغم أنه كان الكلام السلبي والإيجابي في نفس الحلقة ونفس الوقت.
وقال أحمد آدم في خلال برنامجه آدم شو المذاع على شاشة قناة الحياة: تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات.
وأردف أحمد آدم: وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا.
