تصدرت الفنانة شيرين رضا ، خلال الساعات القليلة الماضية، «الترند»، عبر شبكات التواصل الاجتماعي وجميع محركات البحث؛ بسبب تصريحاتها لأول مرة عن حياتها الشخصية وتفاصيل وفاة والدها محمود رضا، كما تحدثت عن رأيها في الزواج والخيانة.
وقالت شيرين رضا خلال لقائها ببرنامج "abtalks": "أنا ابتعدت عن الفن 10 سنين بسبب بنتي؛ لأن لها الحق إني أمنحها وقتي لأنها مختارتش تيجي الحياة وأنا اللي اختارت، والست الموظفة تقدر تروح الشغل وترجع تهتم بـ أولادها، إنما أنا بصور 16 ساعة وكان لازم أبعد عن الفن لأن بنتي أهم، و10 سنين قليل عليها".
وكشفت شيرين رضا رأيها في الزواج والخيانة قائلة إنها تؤمن بالصداقة بين الرجل والمرأة مشيرة إلى أن تلك العلاقة أقيم من الزواج.
وتابعت: "أنا محظوظة لأني جربت الصداقة اللي من النوع دا وعندي صديق مقرب مني من أيام الطفولة ولسة أصحاب وإحنا مشكلتنا إننا بنبص على الجنس دا راجل ولا ست مش إن الشخص هو إنسان في النهاية، وصعب الناس الكبار في الوطن العربي يفهموا دا.. وبالنسبالي العلاقة دي أقيم من الزواج اللي غالبا بينتهي بالطلاق أو الانفصال".
وأكدت شيرين رضا أن خطوة الزواج تحتاج إلى تفكيرعميق من الطرفين وتحديد الهدف من تلك العلاقة وعن الأشياء التي يريدها من تلك العلاقة بعيدا عن الماديات ولابد أن تدوم.
اقرأ أيضا بعد شيرين رضا.. مفاجآت في وصايا المشاهير قبل رحيلهم
وواصلت شيرين رضا أحنا منقدرش نلوم حد اتجوز صغير؛ لأن طبيعي زمان كانوا بيتجوزوا 13 ويخلفوا 5 أطفال وهما 14 سنة، لأن الحياة كانت مختلفة، إنما دلوقتي لو واحدة خلفت وهي 14 سنة هتموت، وأنا مش هتجوز لأن مفيش حد في حياتي أقدر أقول إني هتجوزه؛ لأن تقبل شخص في حياتك بعد فترة من الوحدة فكرة تحتاج قوة تحمل.
كما تطرقت شيرين رضا للحديث عن الخيانة، قائلة: أحنا اللي عودنا الراجل يخون لحد ما بقى يعتبر الخيانة حق من حقوقه، ولازم الستات يحكموا العالم لأنهم مش بيدمروا أي شيء إنما الراجل عايز يكون أجمد واحد، وأحنا في المجتمع العربي بقينا بنحلف لأننا كذابين، وبتمنى الناس يبطلوا يحلفوا، ولو أقدر أعلم الناس حاجة هتكون الصدق والصراحة.
وكشفت شيرين رضا، تفاصيل رحيل والدها الفنان محمود رضا، قائلة: والدي كان 65 سنة وكان بيلعب أسكواش وبيجري وبيطلع السلالم، ومرة راح للدكتور وقاله بلاش رياضة أنت كبرت، وساعتها تعب وفضل في السرير، وأنا كنت بتمنى أنه يمشي تاني وميحسش أنه قاعد مش قادر ياكل ولا يشرب وكنت سعيدة لما مات لأنه أرتاح ومتعذبش أكتر، وأكيد بيوحشني ولكني بحتفل بـ كل لحظة عشتها معاه، وبتمنى لما أموت الناس تحتفل بحياتي ويشغلوا مزيكا ويرقصوا ومش عايزة عزاء وعايزة حفلة.
