تصدرت الإعلامية سالي عبد السلام الترند بعد تصريحاتها الأخيرة مع الإعلامية لميس الحديدي، بـ برنامجها كلمة أخيرة؛ وتصريحاتها عن عودة إصابتها بمرض الثعلبة.
تنشر بوابة أخبار اليوم أبرز تصريحات سالي عبد السلام بعد معانتها من مرض الثعلبة ...
-أنا عاوزة الناس ترحم بعض، وبلاش تنمر على السوشيال ميديا وأنا بخاف من التنمر جدًا.
- جيل الثمانينات شاف كتير أوي وطلع عينه وأنا بخاف من الحسد، والضغط العصبي يخليني أكسر سناني وأنا نايمه.
-مش سهلة إني أعمل فيديو زي اللي عملته، لكن حبيت أوعي الناس بالمرض، وإن ازاي التوتر والتعب والضغط النفسي بسيبوا ده.
-اكتشفت أول مرة إصابتي بالثعلبة من خمس سنوات بعد فرح أخويا، وكنت بستعد له في الكوافير اللي قالي روحي للدكتور، ولما لقيت عندي أربع بقع فارغة في شعري اتقهرت.
-شكة الحقنة صعبة، وباخد 8 حقن كل واحدة 10 شكات، يعني 80 شكة.
-اتعلمت في بداية إصابتي أعمل شعري بإيدي من غير كوافير، عشان مكسوفة، وأصبت به لسبع مرات.
-قصص الجمهور أثرت فيا جدًا وبتوترني، وبقرأ القصة الواحدة عشر مرات.
-كنت عاوزة أوري للناس التعب اللي بنتعبه في مجال الإعلام وإننا مش مرتاحين زي ما قلة منهم فاكره كده.
-إحنا بنتعرض لضغط نفسي وعصبي كبير بسبب الشغل في الإعلام.
-بعد ما شفيت في المرة الأولى، زرت مستشفى 57357 واتعلمت كتير من زيارتي ليها.
وجدير بالذكر انهة أعلنت سالي عبد السلام،اصابتها بالثعلبة و عودة مرض الثعلبة لها، من خلال فيديو صورته في أثناء تلقيها العلاج، ونشرته عبر صفحتها على فيس بوك، وعلقت قائلة: دخلت الدوامة دي تاني.. مرض الثعلبة وخلل المناعة للمرة السابعة في 5 سنين، سبحانك يا رب.
وأضافت يا دوبك لسه مخلصة علاج وكورتيزون، وحاولت اخس تاني وأرجع أعالج شعري من الصيف، في 5 شهور تعافي بعد ما تتعالج تطلع تاني بالسرعة دي.. ودي أول مرة تحصل.
وطلبت من متابعيها بالدعوة لها قائلة: ادعولي، ومفيش حاجة تستاهل إنك تضغط على نفسك ولا تزعل وتمرض وتموت.
اقرأ أيضا|خطيب نادين نجيم يفاجئها بخاتم ألماس أثناء احتفالها بعيد ميلادها
