أكدت الإعلامية ياسمين عز أن هناك دراسة تثبت أن الرجل هو أصل السكر، وذلك على حسب تعبيرها.
ووجهت ياسمين عز حديثها إلي السيدات خلال حلقة اليوم من برنامج "كلام الناس" عبر فضائية "إم بي سي مصر": "في دراسة أكدت أن الراجل هو أصل السكر، ولو جوزك صاحب مطعم هتلاقيه عينه مليانه، ولو دخل عنده مليون واحدة، مراته هتفضل في عيونه ست البنات".
وتابعت ياسمين عز: "لو عزمتي أي حد من أهلك في البيت عمره ما يزعل منك".
وأضاف: "ليه الرجل أما يروح يخطب بيقول لحماه أنا عايز ايد بنتك.. ليه مش بيقول عايز رجلها أو ودنها؟.. أنا أقولك ليه.. الايد هي اللي بتطبخ.. وكمان لأن الأيد هي اللي هتطبطب عليه، وهي منبع الحنان، وده سبب الحكاية دي".
وجهت الإعلامية ياسمين عز، رسالة للسيدات، قائلة: "إياكي تعملي زي دعاء وبلاش تقومي جوزك على سلفتك وتخليه ميديهاش نصيبها هي وعيالها في الميراث".
وأضافت ياسمين عز، خلال تقديمها برنامج "كلام الناس" المُذاع عبر فضائية "إم بي سي مصر": "متعمليش زي سهير.. بتسخن حماتها على سلفتها ليل نهار وتقولها مش مهتمة بيكي ولا بجوزها وبيتها كله تراب ومش بتلمع النجف ومفرش سفرتها كله بقع".
وأردفت: "إوعي تعملي زي أميرة.. مش كل ما سلفتك تعمل حاجة في بيتها أو شكلها تقولي اشمعنى وتحملي جوزك فوق طاقته عشان عايزة تقلديها".
اقرأ أيضا | وصايا ياسمين عز تخترق عالم الفن.. وفاء عامر «تنفذ تعليماتها» والدسوقي «فرعون صغير»
