واصفا الزواج بالرزق.. الفنان إيساف يكشف عن أمنيته في يوم زفافه

 الفنان إيساف
الفنان إيساف

 


أحتفل الفنان إيساف مساء الخميس 26 يناير، بعقد قرانه على فتاة من خارج الوسط الفني، في مدينتي، ووصل العروسين منذ قليل إلى مكان عقد القران وزينت القاعة بالورود.


وقال إيساف "لبوابه أخبار اليوم " إن الجواز رزق من عند ربنا، وحاسس ان النهارده ربنا راضي عني عشان بتجوز"، متابعا "الجواز مش حاجه سهله في الأيام دي، وأن حد يلاقي حد يتوافق معاه فكريًا ونفسيًا" .

وأضاف: كنت اتمني أبويا وأمي الله يرحمهم يكونوا موجودين، وأنا أصغر أخ في إخواتي ولم يسبق لي الزواج من قبل، وكنت اتمني يكونوا موجودين معايا انهارده وزوجتي فاجئتي ببرواز كبير ليهم واحنا بناخد الفوتو سيشن الصبح، وهما دايما معانا وربنا يرحم امواتنا جميعا .


وحضر المطرب ايهاب توفيق الي عقد القرأن بالاضافة الي كلا من الفنان أحمد التهامي والفنان احمد بتشان والفنان مصطفى محفوظ والفنانة الهام بديع والفنان رامي وحيد والفنان احمد محمد ماهر، وعدد من الأهل والأصدقاء بمسجد مدينتي الأبيض الكبير وكذلك الأهل والأقارب والأصدقاء من الوسط الفني وخارجه.

وتحدث إيساف مؤخرًا عن خطيبته في تصريحات تلفزيونية سابقة، قائلًا: "أنا مرتبط دلوقتي، ولما اتقابلنا قولت لو في بينا عدم ثقة يبقى مش هنكمل، أنا وصلت لمرحلة صعب أوي إني ارتبط بواحدة في بينا علامات استفهام".

وأكد إيساف أن الفتاة المرتبط بها في الوقت الحالي لا تمتك أي حسابات عبر مواقع التواصل الاجتماعي، وهذا ما يعجبه بشكل كبير، مضيفًا: "هي مفيش عندها حسابات على مواقع التواصل ولا بتنزل صورها، أنا مش بعيب في حد، ولكن دي حاجة أنا بفضلها في شريكة حياتي، وأكتر حاجة بتضايق مني فيها إني مبعرفش أصالح".