وجه المخرج عمرو سلامة رسالة حب ودعم لمخرجي مصر من جيلة من خلال طرحة مجموعة صور وهم برفقته ، وذلك عبر حسابة الرسمى بموقع التواصل الاجتماعي " فيس بوك " .
و علق المخرج عمرو سلامة على الصور قائلا : " يشاع أن عدوك إبن كارك، لكن لو كان إبن كارك بيلهمك، وبتتعلم منه، وبيساعدك في تطوير نفسك، بنصيحة أو حتى بشغله لمًا يعمل عمل حلو تقدر تتعلم منه، يبقى ليه يكون في أي عداوة؟
المنافسة مجرد نفسنة، لو هدفك إنك تبقى رقم واحد أو حتى محطوط في قايمة ما، ده هدف مرهق وغبي في حد ذاته ومستحيل عمليا قياسه، هدفك فقط تطور من نفسك وتقارن نفسك النهاردة بنفسك إمبارح وتسأل نفسك إزاي هبقى أحسن بكرة.
اقرا ايضا | فى أول أعماله الفنية.. مصطفى حجاج يشارك فى فيلم «قد المسؤولية»
واضاف قائلا:" أنا بشوف نفسي محظوظ إني من جيل مخرجين مش مشغول بالمنافسة والمقارنات، وكلهم عندهم من الاريحية انهم يساعدوا بعض، يغذوا بعض، والأهم يبقوا صادقين مع بعض.
وخصوصا إننا كلنا فاهمين مشاكل وتحديات بعض، ومجرد كلامنا عليها بيقلل الاحساس بالاحباط والوحدة والحقيقي اللي متاكد منه، ان معظم الجيل ده - أو على الأقل اللي أعرفهم عن قرب -بيتمنى الخير لبعض ومش حاسس أبدًا إنه في سبق".
وانهى رسالتة قائلا: "إلى كل زميل كان صديق ومعلم… شكرا وساعات… ما حبيبك إلا إبن كارك" .
من ناحية أخري ينتظر المخرج عمرو سلامة طرح فيلمة الجديد " شماريخ " بدور العرض ، من بطولة أسر ياسين وخالد الصاوي ومحمد ثروت ، تأليف وإخراج عمرو سلامة ،ويدور العمل فى اطار اجتماعي أكشن .
