شيرين: شعرت بخوف في حفل الكويت.. «مكنتش فاكرة إن الجمهور بيحبني قوي كده»

قالت الفنانة شيرين عبد الوهاب، إنها شعرت بخوف وهي تغني في حفل الكويت، «مكنتش فاكرة إن الجمهور بيحبني قوي كده». 

وأضافت الفنانة شيرين عبد الوهاب، خلال مداخلة هاتفية مع الإعلامي عمرو أديب ببرنامج «الحكاية»، المُذاع على فضائية «MBC مصر»، كنت مبسوطة جدا امبارح بعد الحفلة، وصحتي كويسة الحمد لله، والحفلة اللي كانت في الكويت فوق الخيال.

وأوضحت شيرين، مكنتش حاسة غير بخوف شديد وقلق ولكن كنت عارفة إن مستنيني جمهور ذواق وبيسمع وجمهوري في الكويت كانوا متعاونين والحفلة كانت حلوة فوق العادة، ومكنتش اعرف اني وحشاهم اوي كده، وزي ما وعدتكم آخر مرة إني بحضر لحاجات تسعد الناس والحفلة دي أولهم.

وتابعت شيرين عبد الوهاب، أنا إمبارح كنت بغني من طبقات عمري ما غنيت منها قبل كده وصوتي كان مفتوح أوي، وانبسطت جدًا جمهور الوطن العربي كله واحشني، وانا الحمد لله كويسة وبشتغل ويضيع الوقت في شغلي والرياضة والبنات وبقى فيه نشاط، والناس كانت جميلة اتبسطت اوي امبارح والحفلة كانت فوق الخيال

وعن زيارتها لفضل شاكر، قالت الفنانة شيرين عبد الوهاب، الزيارات ممنوعة بالكويت، وذهبنا لزيارته للاطمئنان عليه، وبعد ذلك طلبتنا إحدى الجهات للسؤال عن سبب الزيارة لأن الزيارات ممنوعة بالكويت.