أشادت الفنانة راندا البحيري، بالنجم ياسر جلال، وذلك عقب تبرعه بمبلغ 3 ملايين جنيه لصندوق تحيا مصر.
وكتبت راندا البحيري، عبر حسابها الرسمي على موقع التواصل الاجتماعي "فيسبوك"، "كل الشكر للنجم المحترم الخلوق ياسر جلال اللي وفق جنب بلدة في وقت البلد كلها محتاجه إنها تتكاتف".
وأضافت راندا البحيري :"بإذن الله تكون قدوة لفنانين كتير وأنا أولهم ونعمل واجبنا ونحط اللي نقدر عليه في الصندوق أنا كمان هعمل كده شكراً ياسر جلال .. طول عمرك مخلص و وطني و محترم و ابن أصول".
وقال ياسر جلال: "المرة ديه بعلن عن الجهة والمبلغ اللي اتبرعت بيه لأني بتمني إن كلنا نشترك ونعمل اللي نقدر عليه وبدعي زملائي النجوم إنهم يتبرعوا باللي يقدروا عليه، أنا عارف إن فيه منهم عمل الموضوع قبل كده، بس لو عملوا ده تاني يبقي شئ عظيم".
وتابع: "يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بيمر أزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض".
يذكر أن آخر أعمال النجم ياسر جلال، مسلسل "الاختيار 3" في رمضان الماضي، وحقق نجاحا كبيرا وشاركه البطولة أحمد السقا وكريم عبد العزيز وعدد كبير من نجوم الفن.
اقرأ أيضا| دينا: عمرو دياب بيرقصني.. وهذا سر نجاح الراقصات الأجانب في مصر| خاص
