Advertisements

هاجر الشرنوبي تثير ضجة بسبب موقف مع ابنها في المدرسة: هحوله لرأي عام

هاجر الشرنوبي
هاجر الشرنوبي
Advertisements

أعربت الفنانة هاجر الشرنوبي، عن استيائها من موقف تعرض له ابنها داخل المدرسة.

وكتبت هاجر، عبر حسابها الشخصي بموقع التواصل الاجتماعي "فيسبوك": "يا جماعة لو سمحتم عاوزة أخد رأيكم في حاجة، على أيامنا المؤسسة كان اسمها " تربية وتعليم".

وأضافت: "هو ينفع مدرسة فاضلة تربوية تعلم الأولاد " الفتنة"؟، ينفع تستفرد بعيال صغيرة لسه سنهم 11 سنة، وتقولوهم تعالوا قولولي إيه اللي بيحصل في جروب الأمهات؟".

وتابعت: "ينفع تخلي الأولاد يفتنوا على بعض وتلبس طقية ده لده، وتبقى مجندة طفل صغير يفتنلها ويبقى عصفورة على أصحابه!، طب هي مفكرتش في الولد اللي مجنداه ده هطلعه ايه لما يكبر، بتعلمه الفتنة وتخليه منبوذ قدام صحابه!" .

وواصلت: "لما تعرف إن ولي أمر اشتكى منها في الجروب واللي في المدرسة تستقصد ابنه في الفصل وتضحك عليه الأولاد، وتقلل منه الدرجات وتستقصده وتعيشه جوه المدرسة عيشة سودة!".

واستكملت: "ينفع تسيب الحصة وتقعد تصحح الامتحان وتقرأ الاجابات قدام الأولاد وتقعد تضحكهم على بعض بدل ما تعلمهم وتربيهم وتشجعهم ..هي الأستاذة الفاضلة ما تعرفش إن التربية قبل التعليم ؟، وطايحة في العيال ومحدش بيعاقبها".

وأختتمت: "غالبًا المرة اللي جاية لو الموضوع طول وفضلت بالشكل ده هكتب اسمها واسم المدرسة وهحول الموضوع لرأي عام، علشان اللي بيحصل ده في نفسية الأولاد محدش هيحاسب عليه غير أولياء الأمور لما تطلع نفسية الأولاد مشوهة بالشكل ده، وحسبي الله ونعم الوكيل في كل راعي مش مسئول عن رعيته".

يذكر أن آخر أعمال هاجر الشرنوبي مسلسل "الضاحك الباكي" بطولة: عمرو عبدالجليل، فردوس عبدالحميد، رزان مغربي، ياسر الطوبجي، ومن تأليف محمد الغيطي، وإخراج محمد فاضل.

"الضاحك الباكي" يرصد توثيق لفترة زمنية من خلال شكل الحياة السياسية والاجتماعية والاقتصادية لمصر في نهاية القرن 19 وبداية الـ20، ويتناول حياة نجيب الريحاني بداية من ميلاده نهاية القرن 19 منذ عام 1892 وحتى خمسين عامًا في عام 1949، كما يتناول قصص الفن والمسرح وحكايات عن الراحل في تلك الحقبة الزمنية المهمة.

 

Advertisements

 

احمد جلال

محمد البهنساوي

 

Advertisements

 

 

 

 

 

 

 

 


Advertisements