هنادي مهنا تكشف كواليس تقديمها ونجاحها في "ذا فويس فرنسا"

هنادي مهنا
هنادي مهنا

قالت الفنانة هنادي مهنا، إنها كانت تتمنى في المرحلة الأولى من مسابقة "ذا فويس فرنسا"أن تغنى باللغة الإنجليزية لأنها كانت اللغة الأساسية لها في المدرسة، وقدمت ذا فويس بفرنسا ونجحت ووصلت لـ 500.

أضافت خلال حوارها مع الإعلامي عمرو خليل عبر برنامجه "من مصر" المذاع على قناة "CBC"، "بعدها الدنيا اخدتني اكتر ورجعت مصر وكنت فى الأكاديمية مع والدي، وبحب التدريس للأطفال، مضيفة :"عندى ذكريات كتيرة مع اللي درست فى الأكاديمية لهم وحاليا في كلية طب وبفرح قوي بيهم".
 
تابعت الفنانة: "أول عمل شاركت فيه فى مسلسل أفراح إبليس، وكلمنى المخرج وتواصل معايا، ومحدش يعرف انا بنت مين ومكنتش عاوز استخدمها فى أى حاجة.. وجربت وكان الكلام بالصعيدى، ومش نزل وبقالى سنة كنت بمثل ومفيش حاجة تنزل".
 
استكملت: "ولما نزل المسلسل في رمضان 2018 سافرت برا وزعلت، ورمضان 2019 كان أكثر سنة جالي فيها عروض كتيرة فيه.. وشاركت في 3 مسلسلات فى نفس الوقت، وشاركت فى مسلسل حكايتي وزلزال وبركة، وكنت باخد البطانية معايا العربية عشان كنت بنام فيها لأن كنت بتنقل من تصوير مسلسل لمسلسل، وكانت سنة حلوة أوي".
 
وعن دورها في مسلسلها "مكتوب عليا" مع الفنان أكرم حسني، قالت هنادي مهنا: " أكرم كفنان بحبه جدا وبحب أغانيه جدا وعلى المستوى الإنساني مجتهد جدًا ومبسوطة إن أنا اتعرفت عليه.. وشخصية الكوميديا في المسلسل كانت صعبة عليا لكن الحمد لله ربنا كرمني بالدور".