كشف الموسيقار صلاح الشرنوبي، رأيه في نقيب الموسيقيين الحالي الفنان مصطفى كامل، وذلك خلال حواره مع الإعلامية بسمة وهبة، مقدمة برنامج 90 دقيقة، على قناة المحور.
وقال الشرنوبي، خلال الحلقة: "أحيي مصطفى كامل لأنه عمل حاجة صعب أي حد يعملها، لأنه عمل فلترة، بيشتغل كتير وبيسيطر على مفاصل النقابة بشكل كبير وهذا أمر إيجابي".
وأضاف الشرنوبي،: "أنا بحب هاني شاكر، لكن الدريكسيون مكنش في ايده بس، ولكن في إيد مجلس الإدارة، وكله كان بيتحكم، وكان في حاجة غلط، لكن لما مصطفى تولى المسؤولية بدأ يتعلم من الماضي، لأنه شايف اللي حصل".
وقال صلاح الشرنوبي، إنّ الحافظ على النجاح أمر مهم، موضحًا: "أنا بلحن وأنا سايب ايدي، بسيب الدنيا ماشية وبلحن من القلب، لكن دلوقتي المسألة اختلفت، لازم القلب والعقل والتكنولوجيا، وفي مليون حاجة يفكر فيها الملحن والشاعر والموسيقار والمنتج".
وتابع: "بدأت حياتي المهنية بالتعاون مع مطرب عملاق بحجم وردة، كنت عبدًا فقيرًا إلى الله، وأول لقاء بيني ووردة كان عبر التليفون بسبب الشاعر عمر بطيشة، قالي كلم الست وردة دلوقتي، اتخضيت وكلمتها، وطلبت مني أبعت لها الشريط، وقد كان التعاون بيننا، وعجبها الـ3 أغاني اللي بعتهم ليها، مثل بتونس بيك وحبك صالحني على الدنيا".
اقرأ أيضا | خاص| دومنيك حوراني: جوزي مبيغرش عليا.. ومبحبش الراجل الخشن | فيديو
