قدم الفنان تامر حسني نصائح لجمهوره عبر صفحته على موقع التواصل الاجتماعي فيسبوك.
ونصح تامر حسني الجمهور بالصبر على أنفسهم والمحاولات المتكررة لإصلاح النفس، وكتب: "يوم جميل على الجميع كالعادة مش بعتبركم محبين فقط لا أنا دايمًا بشوفكم ناس من أهلي حتى لو بعضكم معندوش الإحساس دا تجاهي أنا بقى عندي تجاهكم كلكم الاحساس دا، ودا احساس ربنا زرعه فيا معرفش ليه ومعرفش ليه مزروع فيا بالقوه دي عشان كدا اقسم بالله اي خير بعرفه بحب انقله ليكم فورًا ……..".
وقال "كنت بقرأ موضوع مهم اوي بما إني مجنون قراءة وسماع حبيت اكلمكم عنه وهو (مجاهدة النفس).. واثق إننا كلنا بنمر بظروف ومؤثرات وأفكار بتغير حاجات جوانا في ناس بتغيرها للأفضل وفي ناس للأسوأ وكلامي لكل شخص حاسس من جواه إنه متضايق وعنده خطأ في فكره أو عقيدته وقناعته أو عادة سيئة ومعصية ثابتة مش عارف يتخلص منها او صفة في شخصيته مش كويسة وفاقد الأمل في تصليحها".
وأضاف: عشان يصلحها ويتغير لازم اول حاجة يعترف بيها قدام نفسه وميقاوحش ويبرر وجودها لازم يشوفها يبقى:
١- تعترف بيها قدام نفسه.
٢- تاخد قرار حاسم في بدء الإمتناع عنها.
٣- تدرس المقابل لها في الصالح وتسعى في اتجاهه.
٤- اختار اصحاب صفاتهم بعيده عن هذه العيوب والعادات المشابه
٥- اصبر على نفسك في التغيير يعني لو اخدت قرار ورجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي، كمل في اصرارك على التغيير والتطوير وخد كمان مره القرار اهم حاجه راقب نفسك وشوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك وكسبت التحدي.. نهاركم عسل زيكم
ومؤخرا، عرض لتامر حسني حاليا في السينما فيلم «بحبك» بمشاركة هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.
وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.
وطرح تامر حسني خلال الأيام الماضية أغنية جديدة لجمهوره بعنوان "هتجوزك" من فيلم "بحبك".
بينما يستعد تامر حسني لإحياء حفل غنائي، في دولة الكويت يوم 24 نوفمبر، ضمن الحفلات التي يحييها نجوم الغناء والطرب في مختلف الدول العربية.
