قالت الإعلامية سهير جودة، إن مصر تعيش ليالي مميزة حاليا بسبب مهرجان الموسيقى العربية، في دورته ٣١، مؤكدة: «الموسيقى زي الصلاة وبتدي احساس بالامان في الكون وبتدي الاحساس بالبراخ والراحة، ومهرجان الموسيقى العربية فيه مطربين من كل الدول العربية، من مصر في مطربين قدام وجداد، ومطربين عرب كبار».
وأضافت سهير في برنامجها الذي يحمل اسم «الستات»، والمذاع عبر فضائية «النهار»: «الأصوات مميزة في المهرجان زي مي فاروق وآيات فاروق ومروة ناجي، وهما أصوات محتاجة صناعة، هما نجوم بكل ما تحمله الكلمة من معنى، وهما عندهم كل مهارات النجوم، زي الصوت والحضور اللافت على المسرح، لكن احنا ناقصنا صناعة النجوم ومحتاجين المهرجان ده أكتر من مرة في السنة، ومحتاجين نسمع هاني شاكر وعاصي الحلاني وراغب علامة وعفاف راضي وعلي الحجار ومدحت صالح اكتر من مرة في الأوبرا».
وأشارت: «كل الناس اللي كانوا موجودين في مهرجان الموسيقى واللي مستمر حتى يوم الخميس الجاي حالة من الروعة، اكتر حاجة ممكن تستوقفك الناس، والمسرح بيبقى فيه 2000 واحد، و اغلبهم ناس بتيجي على كرسي أو على عكاز، والجمهور اللي بيحضر المهرجان بيقولوا ان مصر لسة بخير، ذوقها لسة حلو، وان قوة مصر الناعمة هتفضل كبيرة ومؤثرة».
اقرأ المزيد.. إلهام شاهين: أجهضت نفسي مرتين من أجل الفن والطلاق
