عبر الفنان على الحجار عن رأيه في الموجات الغنائية الجديدة وقال: "أنه ليس ضد أي لون غنائي بالوسط الفني، كما أَضاف في لقاءه مع برنامج its showtime: "أنا مش ضد أي لون غنائي، وبحب أسمع كل الأغاني الغربي من صغري، وبسمع كوري وياباني وهندي، والراب الأمريكاني قبل ما يظهر عندنا كنت بتخض منه لأن فيه كلام قبيح، وده كان بيبوظ زوق الناس في رأيي".
وتابع : "لما رفضت النوع ده في الراب الأمريكاني، افتكرت أن احنا كان عندنا الراب في الستينات مع ثلاثي أضواء المسرح فيما يسمى بالغناء التوقيعي، فهم كانوا بيغنوا كلام موقع مش لحن طويل زي»عديت البحر الإطلانطي«فهم اللي اخترعوا الحكاية دي في الأغنية، كل واحد فيهم كان بيحكي عن مشكلته في الفيلم بالغناء التوقيعي ومفيهوش إباحة أو شئ يسئ للذوق العام".
أضاف أيضا: "أنا شخص قديم وشايف الفن حاجة راقية، فالراب اللي بيقدمه أحمد مكي بحبه جدًا، والراب اللي في مسلسل 100 وش حلو جدًا ومفيهوش حاجة خارجة، بالنسبة للمهرجانات أنا محتار فيها، فالراب له فورمات محفوظة قبل كده، فالمهرجانات، مهندس الصوت هو اللي بغني له، ومتضحكش على أنا والجمهور وتحط فلاشة وتقول أنا اللي بغني، والحقيقة هو مهندس الصوت".
وأعرب الفنان علي الحجار عن سعادته بمشاركة الغناء مع الفنان محمد الحلو، على مسرح النافورة بدار الأوبرا المصرية، في الليلة الخامسة من مهرجان الموسيقى العربية في دورته الـ 31، الذي تنقله شبكة تلفزيون الحياة حصريا عبر شاشتها.
وأكد علي الحجار في حواره مع الإعلامية آية الغرياني عبر قناة الحياة، أنه تجمعه علاقة صداقة بالفنان محمد الحلو منذ أن كانا في عمر 18 عاما، مضيفا: "محمد عنده تاريخ كبير جدا.. والجمهور اللي جايله مخصوص النهاردة جمهور سمّيع أوي.. محمد الحلو عنده كل الأنواع من الأغاني وناجح فيها كلها".
وفيما يتعلق بمشاركته في المهرجان، أوضح الحجار أنه يشارك فيه منذ 31 عاما بشكل سنوي، وبالتالي علاقته مميزة للغاية بهذه الفعالية وبجمهورها كذلك، قائلا: "لو حد حط نفسه مكاني إنه من 31 سنة بيغني في المهرجان كل سنة، هيكتشف بعد كل سنتين تلاتة جيل تاني من الجمهور بيبدأ يجي مع أهله ثم بعد 5 أو 6 سنين بيبقي هو كبر وجاي بأصحابه من غير أهله .. فكل شوية الواحد بيستفيد من أراء الجمهور مع تغير أنواع الموسيقى وطريقة سمع الأجيال المختلفة.. وده بيديني علامات وطاقة في مشواري".
اقرأ أيضا| 5 نوفمبر.. أحمد سعد يحيى حفلا غنائيا في قطر
