عقبت الكاتبة فريدة الشوباشي، عضو مجلس النواب، على ما قاله عمرو موسى بأن الرئيس الراحل جمال عبد الناصر كان يُحضر أكله من سويسرا، قائلة: "عبد الناصر لما كان بيسافر بره كان بياخد علبة جبنة بيضا، وعمرو موسى افتكر ده بعد 50 سنة من وفاة عبد الناصر. أنا مش بحب أتكلم عن حد بعد وفاته، أنا أعرف بلاوي بحكم سني اللي هو 85 سنة".
اقرأ أيضا |الصناعات الغذائية: إصدار الرخصة الصناعية في 20 يوما ينعش القطاع الصناعي
وأضافت "الشوباشي"، خلال لقائها مع الإعلامية رقية اليزيدي، ببرنامج "العنيدة"، أنها ضد الادعاء والحديث بعد وفاة الأشخاص، متابعة: "ليا تجربة مع عمرو موسى، لما روجت بكلمة مرة عن القومية قالي إنتي من دول، قولتله دا اللي خلاك وزير خارجية".
وعن هجومها على النقاب ووصفها المنتقبة بالتوك توك قالت: "أنا دارسة شريعة إسلامية وعارفة أن الحجاب اللي على الرأس مش فرض، الفرائض خمسة، وأنا ناقشت الشيخ سيد طنطاوي في الموضوع دا، وقولتله إن الحجاب يعني الاستقامة مش نضع حاجة على الرأس، واللي يعارض يعارض أنا دارسة شريعة، أنا من حقي أعارض"، مؤكدة أن أختها محجبة وليست منقبة، قائلة: "هي حرة، والنقاب أنا ضده تمامًا، وبحسب دراستي للشريعة فالحجاب مش فرض".
