حل الفنان مصطفي كامل ضيفا مع الإعلامية أسما إبراهيم في أولى حلقات الموسم الثالث من برنامج «حبر سري»، المذاع عبر شاشة قناة القاهرة والناس.
اقرأ أيضًا.. مصطفى كامل: إذا أصبحت نقيب المهن الموسيقية «هكنس الفساد بالمقشة»
علق الفنان مصطفى كامل، بشأن الفنان عمرو مصطفي، والذي آثار جدلا واسعا بعد حديثه عن الهضبة خلال الفترة الماضية، بأن الهضبة ليس له فضل عليه.
وقال مصطفى كامل: مش عايز أقول لفظ وحش، نُكران الجميل وحش وده نُكران جميل، وعمرو مصطفى ناكر جميل عمرو دياب، هو هيهزر؟، يعني عمرو مصطفى أفاد عمرو دياب في حياته؟ ده كلام؟ ده كلام ميصحش يقوله.
وتابع: كنت واخد عهد على نفسي ألا اتطرق لـ عمرو مصطفى، ورغم زعلي منه إلا أنه مُلحن كويس، بس أوعى تنسى إنك كنت بتيجي الاستوديو وأنا موجود علشان تبقى موجود في قاعدة فيها عمرو دياب، أنا شُفتك وماليش دعوة جيلك شافك ولا لأ، ولكني شُفتك وأنت بتيجي علشان بس تكون مجرد واحد قاعد في قاعدة فيها عمرو دياب، وبتتكلم على مين؟
وأضاف: فيه فرق كبير لما تتكلم على حد واقع، ولكن عمرو دياب في حتة تانية يا جماعة خالص، فيه أسامي مينفعش ولا يليق مع أي حد فينا لما يختلف معاها يطلع يتكلم عليها كده، مينفعش وعيب كده، وبعد 10 سنين عمرو دياب هيفضل عمرو دياب.
