قالت المهندسة مي عبد الحميد المدير التنفيذي لصندوق الإسكان الاجتماعي ودعم التمويل العقاري،إن هناك وحدات سكنية في ٢٥ محافظة جاهزة للتسليم الفوري، أغلب الوحدات موجودة في الصعيد، والسعر في الصعيد أقل من الوجه البحري بحوالي ١٠ آلاف جنيه، ومتاح وحدات سكنية جاهزة لمحدودي الدخل.
وأوضحت عبد الحميد، خلال مداخلة هاتفية لبرنامج شارع مصر تقديم هاجر جميل على شعبي اف ام ، أن تعريف محدود الدخل، هو من يتقاضى 6 آلاف جنيه للأعزب كحد أقصى و8 آلاف جنيه للأسرة، والتقسيط لمحدودي الدخل بيكون على ٣٠ سنة بفائدة متناقصة ٣٪، و القسط بيبدأ من 400 جنيه وده طبعا رقم قليل مقارنة بأي وحدة متاحة عند أي قطاع خاص والفائدة طبعا قليلة جداً .
أما بالنسبة للجزء اللي مش جاهز للتسليم الفوري هيكون جاهز بعد ١٨ شهر ، الناس بتدفع جدية حجز وبتدفع 6 أقساط لحد الاستلام، و سعر الوحده ٣١٠ ألف جنيه قابل للزيادة في حدود ١٠٪ في حال حدوث أي تغيرات في التكلفة أثناء التنفيذ .
أما عن الأوراق العادية النمطية اللي بنطلبها في كل إعلان هي الرقم القومي للزوج والزوجة، وشهادات الدخل، وإيصال مرافق ، وطبعاً اللي بيشتري المفروض إنه يكون ما يمتلكش وحدة سكنية قبل كده.
وتابعت : من بداية المشروع وإحنا حريصين علي أن التسليم يكون للوحدات كاملة التشطيب وجاهزة للمتقدمين حتى لا يجدوا أي صعوبات في إنهم يشطبوا لنفسهم وده هيكلفهم أكتر .
و المواقع بيكون فيها ناس بتشطب لو إحنا سيبناها نص تشطيب، لكن التوجه في البرنامج من الأول إن الوحدات تكون كاملة التشطيب والمرافق والخدمات، والناس تسكن على طول.
واختتمت قائلة : " الوحدات شكل بعض والأماكن أغلبها شكل واحد، وتوجد مساحات خضراء وفراغات بين العمارات "، ٧٥ ٪ من البرنامج معمول بشكل جديد علشان المساحات تكون أوسع والفراغات والمساحات الخضراء حواليها .
اقرأ أيضاً .. اعرف فرصتك.. تفاصيل الإعلان الجديد لحجز شقق الإسكان الاجتماعي
