Advertisements

ميكانيكي بكفر الشيخ يدشن مبادرة لصيانة سيارات الإسعاف ونقل الموتى مجاناً

صورة من البرنامج
صورة من البرنامج
Advertisements

عرض برنامج صباح الخير يا مصر، على القناة الأولى والفضائية المصرية، من تقديم مصطفى كفافي وجومانا ماهر، تقريرا تلفزيونيا بعنوان " ميكانيكي بكفر الشيخ يدشن مبادرة لصيانة سيارات الإسعاف ونقل الموتى مجاناً".

وقال الأسطى: "في مرة قابلت عربية للموتى عطلانة في نص الطريق، ولقيت إن العطل في شغلتي، وعرضوا عليّ فلوس ومرضتش أخدها، وقلت إن الحاجة دي لازم أعملها لله، عشان العربية متقفش نفس الوقفة مع أي حد".

وأضاف، أنه يقوم بصيانة أي سيارة إسعاف أو سيارة للموتى بالمجان، مشيرًا إلى أن الفكرة جاءت له عن طريق ابنه عندما كان في كفر الشيخ: "قالي يا بابا انت هتطلع النت، فقلت له حاضر، فعرضتها على النت والمبادرة جاءت من عند ربنا".

وتابع: "أنا عامل المصنعية لله، بحيث إن محدش يستغل العربية دي في موقف على الطريق أو عند صنايعي، فالحاجة دي هتبرع بيها لله ولصاحب العربية ومش هخلي حد يستغل صاحب العربية في أي موقف سواء قطع غيار أو سمكري ميكانيكي أو عفشة".

وأشار، إلى أنه عرض المبادرة على أكثر من ميكانيكي ووافقوا على المشاركة فيها لإصلاح السيارات بالمجان: "صلحت أول عربيتين بالمجان ومتكفل بأي جمعية خيرية أو أي إنسان ربنا كرمه وتبرع بعربية إسعاف أو نقل موتى لله، أنا متبرع لله، ولو العربية عطلت على الطريق في أي وقت وأي مكان هطلع بعدتي وأروح له على الطريق ونصلح العربية بالمجان".

 

Advertisements


Advertisements