أعرب الإعلامي أحمد موسى، عن صدمته من نتائج تنسيق الجامعات المرحلة الأولى، قائلًا: «كلية الطب بتاخد حاليا 90 و91%، ده اللي كان بيجيب 97% مكانش بيعرف يدخل طب واللي كان بيجيب 95% مكانش بيعرف يدخل هندسة، أنهي تعليم ده».
وأضاف خلال برنامج «على مسؤوليتي» المذاع على قناة صدى البلد، اليوم الأربعاء: «الحد الأدنى 58% أدبي مرحلة ثانية، وكلية السياحة والفنادق بقت مرحلة ثانية!».
ونصح موسى، الطلاب باختيار الكليات التي لها مستقبل للعمل: «أنا بنصح ولادنا أرجوكم اختاروا الكليات التي لها شغل، مبقاش فيه شغل دلوقتي».
وتابع: «ابحثوا عن الكليات التكنولوجية، الزراعة لها مستقبل والذكاء الاصطناعي، مش هتروح وزارة الخارجية، دول بياخدوا 50 لـ 60 واحد فقط»، مردفا: «القنوات مش هتعين كل خريجين الصحافة مش هتاخد كل الخريجين، بياخدوا نسبة».
وأكمل: مش بنصحك اقتصاد وعلوم سياسية إيه مستقبلها.. أنا بنصحك عن خبرة.. أنا خريج كلية آداب صحافة سوهاج دفعة 83، ودخلت مؤسسة الأهرام ضمن 5 فقط»، مؤكدا أنه لا يوجد تعيينات حاليا في المؤسسات القومية.
اقرأ أيضاً | التعليم العالي: فتح باب تقليل الاغتراب بالجامعات المصرية بعد 5 أيام
