طرح المطرب رامي جمال أحدث أغنيات ألبومه الجديد "يستاهل بوستين"، وتحمل اسم "أدبتنا الدنيا".
وأغنية "أدبتنا الدنيا" من كلمات إبراهيم جاد، ألحان محمد أنيس، توزيع موسيقي وسام عبد المنعم، وتقول كلماتها:
الهدوء والابتسامة مقصودين و بدم بارد
ولا جاية تجسي نبضي .. كل شيء في الدنيا وارد
ع العموم مش فارقة حاجة ..احنا أكتر من بعدنا
عيشتي بعدي وعيشت بعدك م الحكاية شيلنا ايدنا
أدّبتنا الدنيا واحنا اللي نستاهل حسابها
هي غلطة وجت ف ثانية ضعنا من بعض بسببها
واحنا ملناش حق نزعل او نعاتب بعض حتى
كل واحد فينا كان ليه حاجة ف التاني وسابها
فاكرة لما البعد خدنا ..وانتي سلّمتي ورضيتي
شوفي حالي ازاي بقيت ..وانتي بردو ازاي بقيتي
رامية نفسك جوا حضن غريب ومش مرتاحة فيه
وانا رامي نفسي ف حضن عارف عمره يوم ماهيبقى بيتي
أدّبتنا الدنيا واحنا اللي نستاهل حسابها
هي غلطة وجت ف ثانية ضعنا من بعض بسببها
واحنا ملناش حق نزعل او نعاتب بعض حتى
كل واحد فينا كان ليه حاجة ف التاني وسابها
ويضم ألبوم "يستاهل بوستين" 12 أغنية هي "بقيت أخاف"، "خلينا قاعدين"، "موقف ضعف"، "قمر ومنور"، "أنا دلعت"، "مسيري أنساك"، "أدبتنا الدنيا"، "شوفت الحقيقة"، "سيبنا بعض"، "كلميني شوية عني"، "في جمال كده"، ويتم طرح الأغاني بشكل يومي.
ويتعاون رامي جمال في الألبوم مع الشعراء أمير طعيمة، أحمد عبد النبي، محمد أبو نعمة، عمرو المصري، أحمد المالكي، محمد عاطف، إبراهيم جاد، ومن الملحنين أحمد العدل، غريب، محمود أنور، مدين، محمد أنيس.
كما يتعاون مع الموزعين الموسيقيين أحمد إبراهيم، توما، إلهامي دهيمة، أحمد حسام، وسام عبد المنعم، أسامة الخطيب، يحيى يوسف، أحمد عبد السلام، كما قدم رامي جمال عددا من الأغنيات من ألحانه.
اقرأ أيضا| بعد خضوعه لجراحة عاجلة.. أحمد فلوكس يكشف حالة والده الصحية
