طرح الفنان محمد حماقي أغنية جديدة تحمل اسم "أدرينالين"، من كلمات وألحان عزيز الشافعي وتوزيع وميكس تميم.
وتقول كلمات الأغنية:
لمست ايدي عملت كونتاكت
الكهربا مسكت في الشرايين
زودت الأدرينالين .. قلبي وعيني مش قادرين
مشت قلبي على الخط
ماراحش شمال وماشافش يمين
انا هنجت اتبنجت اتمزجت انا معمولي كمين
الله عالبسمه البسمه
والعود والرسمه الرسمه
جايه في وقتها والله
ماهي جت في اللحظه الحاسمه
الله عالخفه الخفه
والعود واللفه اللفه
جايه في وقتها والله
ماهي جت من بعد اللهفه
ثانيه واحده بس نفهم
الجمال ده مش بيرحم
الجمال ده ناره قايده
كل نظره متعه زايده
ثانيه واحده بس ندرس
الجمال ده يهري يفرس
الجمال ده ناره والعه
من الدلع و من الملاوعه
لحظه واحده بس هدّوا
الجمال ده مين اللي قده
الجمال ده ناره جنه
معذورين لو اتفتننا
لحظه واحده لحظه واحده
لا بجد احلى واحده
في الطعامه زايده حته
حتتين تلاته سته
على جانب آخر، كان محمد حماقي أحيا حفلا ضمن فعاليات موسم "جيمرز" في الرياض في مساء الخميس 21 يوليو، واختار ملابس رياضية تناسب الاجواء.
أشعل حماقي، أجواء الحفل بمجموعة من أشهر أغانيه التي تفاعل معها الحضور بالغناء والرقص معه.
صعد حماقي على خشبة المسرح في الواحدة صباحا مرددا لأغنية " نفسي ابقي جنبو" وسط آجواء من البهجة والحماس وحرص بعدها علي توجيه التحية للحضور وخص المنتج تامر مرسي بكلمة ترحيب قائلا :"رائد في مجال الترفيه وأعماله عظيمة ومش همثل غير معاه".. واستكمل حماقي مازحا: "لو جاهز نوقع بعد الحفلة".
واستكمل حماقي وصلته الغنائية بـ" زيها مين" و" لا ملامة" وبمجرد مشاهدته للفنان احمد سعد ضمن الحضور وجه له تحية اخري ودعاه للصعود على خشبة المسرح وأشار إلى الصداقة الطويلة التي تجمعهما معلقا:" أحمد من الأصوات النادرة اللي نفتخر بيها".
