Advertisements

مينفعش بيبي يشيل بيبي.. أبرز تصريحات هنادي مهنا في «كلمة أخيرة»

الفنانة هنادي مهنا
الفنانة هنادي مهنا
Advertisements

تعرضت الفنانة هنادي مهنا إلى تساؤلات مُتكررة حول غياب زوجها الفنان أحمد خالد صالح في الآونة الأخيرة، لذلك قررت كشف الأسباب.

وسخرت الفنانة هنادي مهنا، من شائعات انفصالها عن زوجها أحمد خالد صالح، وعلقت قائلة: "الموضوع مضحك وبيضحكني أوي، وقلت كويس انهم مشغولين في الكلام وده، ومتخيلين أن بينا خلافات أحسن مايحسدونا"، مؤكدة أنها تشعر بالغيرة على زوجها.

تابعت هنادي مهنا خلال حوارها إلى برنامج "كلمة أخيرة" الذي تقدمه الإعلامية لميس الحديدي على قناة "ON": "أكيد أنا زي كل البني آدمين بس مش بتخانق.. وهو بيغير عليا في حدود الطبيعي، ‏وأحمد مش بيقولي ستو أنا، رغم إن الناس كلها بتقولي كده‏".
وكشفت أنها أحيانا تقوم بفتح موبايل زوجها، لكن ليس لشيء سوى لأخذ صور بعينها أو خلاف ذلك، «ومافيش مجال للمنافسة بين راجل وست».

 هنادي مهنا: الصور اللي في الانستجرام مش حقيقية كلها فوتوشوب وفلتر

أضافت الفنانة هنادى مهنا خلال لقائها ببرنامج كلمة أخيرة مع الإعلامية لميس الحديدى: 99 % من الصور على انستجرام فلتر، وكلها مش حقيقية والشكل والرشاقة حاجة مش مهمة أبدا المهم ان البنى أدم يكون مبسوط بنفسه هو من جواه مش مهم رأى أي حد تانى وببقى راضية عن نفسى ومبسوطة لما بحس انى شكلى عاجبنى.

 وأكملت هنادي، أنها تأثرت كثيرة في الفترات السابقة بأراء الناس،  قائلة : " فيه ناس مثلاً كانت بتقلي شكلك أحلى  وانتي تخينه  معنديش مشكلة  ومحترمه رايهم بس مش هرجع تخينه عشانهم طالما مبسوطة بننفسي وأنا كده".

 وواصلت : " في الاول كنت بـتأثر  بكلام الناس  في الاول وأنا مليانه كانوا بيقلولي شبهك زي الجاموسة، وكنت بضايق وأنا بقرأ الكومنتات، وأقعد أعيط لكن إكتستفت أن الانسان ممكن يضايق لما يكون ثقته في نفسه مهزوزة ودي فترة  عديت بيها وكأنت أي كلمة بتخبط". 

كما أكملت :  لما الانسان  بيكون مبسوط   ومرتاح من جواه خلاص بتبقى حياته طاقة إيجابية ومهما كتبوا مافيش باب لتسلل الطاقة السلبية ".

وحول كيفية نجاحها في إستعادة ثقتها بنفسها، قالت : " أما حبيت نفسي في المرايا فرحت وخسيت مكنتش بحب ألبس حاجة حلوة عشان  الهدوم مش بتيجي  مقاسي كنت بنزل مش مهتمة  بنفسي  لكن ثقتي رجعت وبقيت مرتاحه  لماببص  لنفسي في المرايا ".

هنادي مهنا تكشف سر رشاقتها

تابعت هنادي مهنا خلال حوارها إلى برنامج "كلمة أخيرة" الذي تقدمه الإعلامية لميس الحديدي على قناة "ON": لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش". 


أكملت هنادي مهنا: "كنت بدرس في أسبانيا في مجال هندسة الصوت بمجال الموسيقى لأني  كنت بحب المزيكا أوي وكان حلمي إني أغني قبل التمثيل  واكتسبت ده من الجينات من والدي، ولما جيت مصر اشتغلت مدرسة ودرست كذا حاجة وكنت فاتحة شركة مع بابا وأنا بحب اشتغل من صغري حتى في الصيف من صغري ومش بحب أقعد في البيت".

أردفت هنادي مهنا: "لما اشتغلت ممثلة مكنتش مستوعبة طبيعة الشغلانة وأن الشغل موسمي ممكن يبقى مكثف شهرين متتالين ثم شهرين أخرين قاعدين في البيت مش بنعمل حاجة ودي كانت حاجة بالنسبة لي فيها إحساس غريب وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل". 

أكملت :" أول  مامثلت الدنيا مامشيتش أوي، وفضلت سنتين أشتغل ومافيش حاجة تتذاع لحد أول عمل، وهو افراح إبليس الي لسه معروض قريب، رغم الانتهاء من تصويره منذ فترة طويلة، وعملت كمان فيلم ووقف كل ده سببلي في فترة من الفترات، إكتئاب وكنت قاعدة في البيت فقعدت أكل".

وكشفت عن أن جمهور السوشيال ميديا وقتها إنتقدها وكان حقهم، وأنا في الاساس شكلي كان زي دلوقتي، بعد فقد الوزن، لكن الفترة دي كانت سبب في زيادة وزني حينها ".

أكدت الفنانة هنادي مهنا، أن دورها في مسلسل " مكتوب عليا " قفزة في مسيرتها الفنية،  وأنه يمثل الكثير لها  كونه السبب في منحها طاقة إيجابية وفرحة غير عادية.

وتابعت هنادي مهنا، أن ": "أنا شغالة في المسلسل ده كنت بقلهم  أنا جاية أتعالج عندكم نفسياً من كتر الفرحة والطاقة الايجابية.

 

Advertisements

 

 

 


Advertisements