المتهم بقتل نيرة أشرف: أهلها مضوني على إيصال أمانة وتعهد بعدم التعرض

محمد عادل، قاتل نيرة أشرف
محمد عادل، قاتل نيرة أشرف

حصلت «بوابة اخبار اليوم»  على نص التحقيقات في القضية  التي هزت المنصورة ومصر بأكملها التى تحمل رقم 11409 لسنة 2022 جنح أول المنصورة، والمعروفة إعلاميا بمقتل  نيرة أشرف طالبة المنصورة، وتؤكد التحقيقات أن المتهم باغتها بعدة طعنات ثم نحرها، وأنه كان يريد الارتباط بها، ‏ورفضت.

كشفت التحقيقات تفاصيل جديدة في واقعة مقتل الطالبة نيرة أشرف أمام جامعة المنصورة، أن القاتل عقد العزم على قتلها؛ انتقاما منها لرفضها الارتباط به، وإخفاق محاولاته المتعددة لإرغامها على ذلك، حيث وضع مخططا لقتلها، وحدد موعد أدائها اختبارات نهاية العام الدراسي بجامعة المنصورة، لتنفيذ الجريمة.

اقرأ أيضا| محامي نيرة: المتهم يحاول استعطاف الجمهور وينفي محاولة قاتلها الانتحار 

وأضاف المتهم:" أنا فضلت أعمل اللي بعمله لحد ما أهلها عرفوا يقعدوني في قعدة وخدوا التليفونات ومسحوا اللي عليها، ومضيت إيصال أمانة وتعهد بعدم التعرض لها ، وكلموني وقالولي عايزين نخلص الموضوع اللي بينك وبين بنتنا، ولما روحت لقيت ناس كتير وكلهم عرفوا الموضوع وحكموا عليا أن أنا أمسح الصور والمحادثات اللي معايا على تليفوني ومضوني على إيصال أمانة وتعهد بعدم التعرض لها، إحنا كلنا كنا قاعدين وكانت قعدة حق.

وتابع المتهم في اعترافاته " كان كلامهم شديد معايا، ومحدش كان مقدر اللي أنا عملته مع نيرة وكان ردهم بيستفزني وقالولي أنت مش أول راجل ينضحك عليه، وأنا مضيت على عدم تعرض وإيصال أمانة علشان لو اتعرضتلها تاني يرفعوه عليا، وأنا كنت ساكت وخلاص ولكن كان في دماغي إني آخد حقي منها، وأول لما حد قالي إنها بتتكلم عليا فأنا كنت مستني إني أرد كرامتي وكلمتها على الواتس والفـون.


وانا كنت بقولها عيب اللي بتعمليه ده أنا صرفت عليكي دم قلبي، علشان ممكن تقدر ده فكانت بترد باستهزاء وأنا كنت بضايق من اللي هي بتعمله فأنا كلمت أبوها علشان أشوف نهاية الحوار ده" .