رد الملحن عزيز الشافعي، على تصريحات الفنان عمرو مصطفى الأخيرة في أحد البرامج التلفزيونية، بعد هجومه على بعض صناع الأغاني خلال الفترة الأخيرة.
وقال عزيز الشافعي، خلال لقائه في برنامج ET بالعربي: "أنا مبتفرجش على البرامج اللي مفيهاش محتوى وغرضها الإثارة، وإحنا كشغالين في المهنة دي، علينا دور كبير إننا نشتغل ونقدم حاجة فيها محتوى، أعتقد أحسن نشتغل ونعمل حاجات كويسة أفضل، حتى نسحب بيها البُساط من أي حاجة دون المستوى".
وتابع عزيز الشافعي: "أنا بشتغل وبجتهد دايمًا وأطور من نفسي، ومش راضي عن أي مستوى أو أي حاجة بوصل لها، وأنا مش عايز أتكلم على حد ومبشوفش حد.. أنا بتكلم عن شغلي وعن المزيكا بتاعتي فقط".
وأطلق عمرو مصطفى عددا من التصريحات النارية، شملت عمرو دياب، وتامر حسني، ونوال الزغبي وأغاني المهرجانات، وهو ما دفعه إلى إحتلال الترند خلال الساعات الماضية.
ونفى عمرو مصطفى أن يكون للنجم الكبير عمرو دياب أي دور في تقديمه للجمهور وعن علاقته به قال: "مفيش عشرة، ده ماجاش عزاني في أمي، مش عايز حد يتكلم عن الموضوع ده أصلا، لأن عندي ردود هاتزعل، ومش عايز أجيب الاسم أصلا، خسارة".
