قال الفنان إدوارد ان بدايتي كانت المزيكا من أيام المدرسة و الجامعة و فضلت معايا ١٢ سنة، وكان عندي حلم التمثيل من أيام المدرسة، وفي الجامعة عملت مسرحية مع الفنان خالد الصاوي والفنان خالد صالح على مسرح الدولة، جاء ذلك خلال حواره لبرنامج ع اللوكيشن مع شريف الليثي علي راديو هيتس.
وأضاف بداية الظهور كانت فوازير علي "الفضائية المصرية"، وفيلم "كلام في الحب" محطة مهمة في حياتي، وبنزيني في بداية الرحلة كان الإيمان بربنا بإنك موهوب وأكيد في يوم من الأيام ربنا هيظهر موهبتك.
وعن المخرج "علي ادريس" قال: "هو اللي وقف معايا سنة ٢٠٠٤، وكان متمسك بيا في فيلم "كلام في الحب" و"حريم كريم" ودي كانت البداية الحقيقية بتاعتي، أما نقطة التحول في حياتي كانت اول جايزة اخدتها عن فيلم "بلطية العايمة".
وتابع بحب أتفرج علي الأفلام وأشبع نفسي بالتمثيل و الممثلين الكبار و اعرف أفكار جديدة، و السنة دي طلعت ضيف شرف في مسلسل " رانيا و سكينة " و " أحلام سعيدة " مع " غادة عادل " .
وعن أهم أعماله قال "بحب السيما / كلام في الحب / حسن ومرقص / بلطية العايمة / عسل اسود / البرنس / لؤلؤ " و إن شاء الله " ملف سري " هيبقي علامة فارقة .
واختتم قائلا أقرب دور ليا هو شخصية "مجدي هلال" في مسلسل "لؤلؤ"، وعيلتي هي اللي معايا من أول الطريق.
