انطلقت منذ قليل الحلقة التاسعة من مسلسل الإختيار3، وذلك عبر شاشة قناة on الفضائية.
وبدأت احداث الحلقة بمشهد يجمع الفنان ياسر جلال والفنانة الشابة مايان السيد، حيث تجسد مايان دور «آية» إبنة الرئيس عبد الفتاح السيسي، وذلك في أول ظهور لها في المسلسل.
وظهر ياسر جلال في المشهد وهو يعد السفرة مع إبنته، وهي تتغزل فيه وتقول «ربنا يخليك ليا يابابا، يارب يرزقني بواحد زيك كده يساعدني ويبقى ومعايا فكل حاجة زيك كده يا احلى أب فالكون»،
ليرد عليها ياسر جلال بدوره «عبدالفتاح السيسي - وزير الدفاع»، ويقول:«أهم حاجة عندي تبقي مبسوطه وتنجحي في كل حياتك، وانا عن نفسي هافضل أدعيلك كل فجر أنه يديكي كل اللي نفسك فيه»، لتحتضن أبيها وتقول له «ربنا يخليك ليا يا أجمل بابا».
ليهدأ المشهد وتسأله بكل براءة، وتقول له «يابابا بيقولو عليك انك إخواني، وبعض زميلاتي بعدو عني»، وسألها والدها الفريق عبد الفتاح السيسي لماذا يحدث هذا؟،
لتقول له «بيقولو يابابا عشان انت بتصلي ديما ومعروف عنك أنك صوام و قوام وقريب أوي من ربنا.. وكل الناس فالجامع عارفينك وبيشهدو إنك متدين».
واقترب منها والدها، وقال لها «انا قريب من ربنا، ويعني هو الصوم والصلاة حكر على الإخوان فقط؟، وكمان احنا كلنا لازم نبقى قريبين من ربنا ونبقى عارفينه كويس، وماينفعش اننا نبعد عن حد قريب من ربنا، الأهم انه مايضللش الناس بإسم الدين».
يشارك في ملحمة "الاختيار 3"، عدد كبير من نجوم الفن، على رأسهم الفنان أحمد عز، وكريم عبد العزيز، وأحمد السقا، وخالد الصاوي، أمير المصري، محمود البزاوي، سمر مرسي، مجدي فكري، بيومي فؤاد، صبري فواز، إيمان العاصي، آدم الشرقاوي، دنيا المصري، وعصام السقا، ومحمد رياض، وهشام إسماعيل، إلى جانب عدد من ضيوف الشرف ومنهم خالد زكي، والمسلسل من تأليف هاني سرحان وإخراج بيتر ميمي.
أقرأ ايضاً - الاختيار3| نجلة الرئيس السيسي في أول ظهور: ربنا يخليك يا احلى أب في الكون
