قال المطرب الشعبي سعد الصغير: "أنا مليش تاريخ، ولكن اللي له تاريخ العلماء زي فضيلة الشيخ محمد متولي الشعراوي".
وأضاف خلال لقائه ببرنامج "سابع سما" الذي تقدمه الإعلامية راغدة شلهوب بقناة "النهار": "أنا راجل برقص مع الرقاصات في الكباريهات إزاي يكون ليَّ تاريخ".
وتابع: "سعد الصغير تاريخ العنب العنب وبحبك يا حمار، وعمر كمال أغنية عود البطل، يبقى فين التاريخ، الفنان حسن يوسف عمل أفلام كتير، ولكن لما عمل إمام الدعاة الشيخ الشعراوي اتكتب له تاريخ".
وأكمل: "أنا أعتز بأغنية "احمد ربنا إنك عايش مش بين الحياة والموت" أما "العنب العنب" لأ مش بعتز بيها".
رأي سعد الصغير في حمو بيكا:
وأوضح الصغير:" لو هقارن بين بيكا والليثي يفوز الأخير لانه أنجح وشارك في 10 أفلام"، وأكد انه يعرف حمو بيكا و وصفه بـ «غلبان وطيب».
رسالة سعد الصغير لزوجته:
ووجه الصغير خلال حواره بالبرنامج، الشكر لزوجته، قائلا:" يتعملها تمثال والله ست نموذج وجبل وحمالة ورغم خلافتنا الكثيرة الا انها ولا مرة تطلب الطلاق مني".
وتابع الصغير:" بقولها أنا اسف على كل الخلافات الماضية ولو عاوزاني ابوس رجلك قدام العالم كله أجي ابوسها".
وأوضح: "معندهاش شغالة في البيت وبتقوم بكل أعمال البيت وتحاول بكل الطرق تقليل المصاريف المنزلية".
أقرأ ايضاً - الاختيار3| مرسي يهدد السيسي: «لو نتيجة الانتخابات اتغيرت هايبقى فيه دم كتير»
