قالت المذيعة «لمياء فهمى عبد الحميد» عن والدها المخرج فهمي عبدالحميد، ان طقوس بابا فى رمضان كانت الفوازير و الف ليلة و ليلة و التليفزيون كان بيته الاول و الاخير وجوده فى البيت كان قليل جدا كنا احنا اللى بنرحله لما نحب نشوفه.
وأضافت لمياء فهمي خلال حوارها لبرنامج اللمة تحلى الذي يذاع علي شعبي اف إم، «فى اوبريت قمر يا قمرنا و ابريق الشاى و حاجات تانية بس فكرة وجودى فى اغانى الاطفال عنيت فيها كتير عشان بابا يوافق، و حضرت كواليس فوازير فطوطة و هو بيقول انستونا و عملت الرقصة اللى فى الفزورة و كان بيبقى عندى حالة انبهار من اللى بشوفه».
وعلقت علي اختيار والدها للفنانين بأنه كان يأخذ آراءهم في كل في أبطال فوازير «الف ليلة و ليلة»، وتابعت «و لما قال على شريهان كانت لسة ممثلة قولناله ازاى قال انتظره شريهان فى رمضان هتبقى عاملة ازاي، ورشحت صابرين للفوازير وروحت مع بابا الماريوت وهو رايح يقابلها و اتفرجت عليها و رشحتها لاني بحبها اوي».
وتابعت الفوازير منطقة خطر شوية و كانت فترة و انتهت و لو اتعملت الايام ديه مش هيبقى فيه انبهار زى زمان، ومش محتاجين يتعمل عمل عن بابا و عمرى ما فكرت فى ده و مش شايفة حد ممكن يعمل دوره، واخر حلقة فى فوازير فنون بابا كرم كل النجوم اللى اللى اشتغل معاهم فى الفوازير.
وعلقت عن برنامجها التليفزيوني انه برنامج واخد طابع دينى اجتماعى و لو حاولت اخرج منه برجعله تاني، و معرفش اقيم نفسي لان انا طول الوقت بنتقد نفسي وده واخداه من بابا.
أقرأ ايضاً - أحمد مكي يشوق جمهوره لحلقة اليوم من «الكبير أوي»
