أكدت الفنانة منة عرفة أنها تكن كل الحب والاحترام لطليقها محمود المهدي، كاشفة عن أنه حتى الآن لم يتم الطلاق رسميًا، وإنما يسيران في إجراءاته.
وأضافت منة خلال لقائها الإعلامية رغدة شلهوب في برنامج "سابع سما"، المُذاع عبر فضائية "النهار": "الطلاق أول مرة متمش منفصلناش رسميًا، ولحد دلوقتي نسير في إجراءات الطلاق، فيه تفاصيل، وفيه بيزنس معين بين الأهل، بنخلص الحاجات دي علشان يتم الطلاق".
وعن إمكانية رجوعها لمحمود المهدي، قالت منة: "رجوعي أو عدم رجوعي حاجة ترجع لربنا، أنا مش بأكرهه، عشت معاه حاجات كثير، وأنت لو ربيتي قطة وماتت هتزعلي عليها، فما بالك بني آدم، أنا بحبه جدًا وبكن له كل الاحترام".
وعن سر الطلاق، قالت منة: "محدش يحب يتعلق بحد والموضوع ميكملش، بينا حاجات حلوة، لكن فيه مشاكل حصلت، والسنة دي كلها محاولات مني ومنه، وأخذنا القرار إحنا الاثنين، فجأة الموضوع مبقاش حب ورومانسية، الحياة مبقتش زي الأول".
