تستعد الإعلامية والمذيعة رشا الجمال لإطلاق برنامجها الجديد حكاوي القهاوي، خلال رمضان الحالي.
فكرة البرنامج مستوحاة من البرنامج الشهير حكاوي القهاوي للإعلامية والمذيعة المصرية الراحلة سامية الإتربي، حيث حقق البرنامج شهرة كبيرة أعواماً عدة متتالية، وكان يتمّ عرضه في شهر رمضان، واعتُبر من أهم برامج التلفزيون المصري سنوات طويلة.
وقالت رشا الجمال "كان زمان بعد ما ابتديت أكون مذيعة اتعرض عليه كذا مرة إني أعمل حاجة شبه برنامج حكاوي القهاوي بتاع أمي الله يرحمها و أنا رفضت، كنت ساعتها حاسة إنه إفلاس، وقتها شعرت إن دة type casting و رفضت.
وتابعت " فوجئت بمكالمة من شاب في شركة انتاج وقال بالنص " عايزين نعمل حكاوي القهاوي في رمضان، و عايزينك معانا، ، مضيفة أنها ذهبت وقابلت المسئولين ، و لقيت نفسي ما عنديش الاحساس بالنقص اللي كان عندي زمان اني أعيد برنامج أمي، سامية هانم الاتربي رحمها الله".
وتساءلت الإعلامية رشا الجمال " الفكرة المخيفة: هل لنا أن نتطاول علي الزمن؟ هل الناس هتحبنا زي ما حبوهم، أمي و يحيي تادرس و عمر أنور و عمر زهران و الناس اللي اتربيت اسمع قصصهم، مضيفة " أمي كانت تعشق شغلها و ناسها و دنيتها، مامي كانت هتحب جداً إن دنيتها تمتد من خلال بنتها و الناس تفتكرها و تشوف برنامجها الأصلي تاني.
واضافت لو انها دايماً كانت بتقولي ما أحبش حد يكون أحسن مني إلا ولادي، أحب أخواتي و اصحابي يبقوا زيي، مش أحسن مني، إلا ولادي، مع إنها كانت بتقول لي كدة، متهيألي كانت هتفرح شوية لما الناس تقول رشا الجمال هايلة، بس سامية الإتربي كانت أحسن بكتير."
وعن فكرة البرنامج قالت " هنفتح "صندوق الجلاليب العتيقة بحكاياتها و ذكرياتها و هويناها و حطينا عليه حزمة و شنط و هدوم جديدة من رشا باشا و رشينا مية قدام عمارتنا في اسماعيل محمد واصطبحنا و صبح الملك لله.
