«حبيبي بالبُنط العريض ، غالي واقرب م الوريد ، آه لقيت الطبطبة ، وأقوى لو منتش بعيد، ضحكتك فيها كهربا ، ببقى زي واحد جديد »، كلمات غناء المطرب حسين الجسمى تتغنى على «السوشيال ميديا» من جديد فى اليوم العالمى «للطبطبة» ، حيث دشن عدد كبير من رواد «السوشيال ميديا » هاشتاج اليوم_العالمي_للطبطبه ، وتصدر «الهاشتاج» قائمة الأكثر تداولًا على «تويتر»، سيبك من الشعارات ، وركز فى امنياتك باليوم العالمي للطبطبة ، مين نفسه في الطبطبه والمداديه ، ومين نفسه في الدلع والحنيه .
- «هندسة حلوان» تنظم مسابقة كبرى لدعم المبتكرين
وفى هذا السياق تستعرض «بوابة أخبار اليوم» أبرز التغريدات :
غردت أمينة :«من يوم ما الجسمي غنا للطبطبة وأحنا في مرمطة يا سيد »، وكتب فريدة : «يااااارب طبطب على قلبى»، وكتب عادل :« انا عايز يطبطب عليا وده كل اللى يهمنا »، وكتب عمرو :« طب مش حد يقول انهم عملوا يوم عالمي للطبطه»، وكتب خيرية :« الطبطبه انك تدلع نفسك وطول السنه بصراحه علشان ومحدش هيعرف يدلع ويطبطب غيرك انت » ، وكتب رحمة :« كنت دائما ما ابحث عن الطبطة و لكن ما وجدته هو المرمطه »، وكتب هانى :«تصدق بالله ترينت عالمي وفعلا محتاجين للطبطبه» ، وكتب ام يوسف :«ودا بتطبخو فيه ايه » .
كتب مروة :«يا ريت اللي لقي الطبطبه يبعتلي اللوكيشن عشان انا وافقة هنا عند المرمطه»، وكتب سناء : «و هي الطبطبة ايه غير اكلة سمك معتبرة و شوية بسبوسة و قهوة عربي و شيشة بنفس»، وكتب هناء :« الطبطبة على الكرش طبطبة على الروح»، وكتب عاديلة :« ابخت كل حد بيطبطب بجد مش لازم طبطبه بالإيد.. لكن طبطبه بضحكه لحد حزين طبطبه بكلمه حلوه لحد مكتئب طبطبه بسؤال على حد وحيد طبطبه بدعاء لحد مريض »، وغردت محسنة :« لكائنات الوحيده اللي بتحس بيك من غير ما تطلب.. اللي بتحبك حب خالي من اي مصالح و مش منتظره منك مقابل.. اللي بتطبطب عليك لما ينسوك البشر » ، وكتب شكرية :« الحمدلله انا محدش عبرني نهااااائي »، وغردت زينب :« هما عملوا عيد للطبطبة امتي ؟» ، وغردت ميرفت :«وجوده اول كل يوم طبطبه كلمة بحبك اللي في وسط الكلام خوفه عليا طبطبه استحماله ليا ولسخافاتي طبطبه هو عموما احسن طبطبه ومراضيه لقلبي من ربنا » .
كتبت ام ياسين :«كفايه طبطبه بقي . اتهرييينا»، وكتب جوده : «ازاى محدش يبلغنى قبلها كنت اخدت اجازة »، وكتب عصام :« فاكرين واحنا صغيرين لما كانوا يبوسو لنا الجرح عشان يخف دي كانت اجمل طبطبه»، وكتب انس :« ولما انتي ملاقتيش الطبطبه في حياتك الا منه هو ،، بتنكدي عليه ليه ؟! . » ، وكتب رمضان :« لما انتوا الطبطبة عندكم اكل، بتزعلوا ع الرجالة ليه »، وكتب مايكل :« نسال الاسئلة المهم هي فين الطبطبة يا ولاد حد لقاها ؟! ولا انا بدور في صحرا» .
