نشرت مفيدة شيحة صورة لها عبر موقع التواصل الاجتماعي لتبادل الصور والفيديوهات «إنستجرام»، وعلقت قائلة: «تقدروا تعيشوا قد إيه من غير الموبايل أو السوشيال ميديا؟».
كما تلقت بعض التعليقات من متابعيها ومنها: «لا ماقدرش.. لو قاعدة مع ناس بحبهم مش هفتكر الموبايل أصلا.. ياريت نقعد شوية من غيرهم بس كلنا مش حد أه وحد لا».
وعبرت الإعلامية مفيدة شيحة، عن استيائها من واقعة تعدي عريس الإسماعيلية على زوجته في ليلية الفرح، والتي حررت محضرا بهذا التعدي في قسم الشرطة، إلا أنها تنازلت بعد ذلك سريعا عن هذا المحضر.
وهاجمت الإعلامية مفيدة شيحة، خلال برنامجها «الستات»، المُذاع عبر فضائية «النهار»، العريس وأسرته، قائلة: «أهنت زوجتك المستقبلية، الفيديوهات مهينة، وتحمل عنف رهيب، واللى بيقول تعالى كل حمام معندكش دم، وأنت عملت مصيبة».
وواصلت: «ما حدث قاسي وظالم وإجحاف شديد.. عروسة تتعرض للضرب يوم فرحها في الشارع.. أهل العريس اللى بيقولوا مفيش حاجة أنتوا ناس كدابين ومش بتراعوا ربنا.. العروس استكملت الزواج، هو فين أهلها؟.. واضح إن الموضوع غصب عنها».
