أكد الفنان أكرم حسني، أن ابناءه نقطة ضعفه وقد يدخل في نوبة بكاء حال شعوره بالتقصير معهم، قائلا: "اللى بيخليني اعيط ونقطة ضعفي أولادي لو حسيت اني مقصر معاهم لأني الشغل واخدني وبتأثر بده، وفي أوقات بحس فيها بالضغط وأني بعيد نفسياً ولكن بحاول طول الوقت أكون موجود ولو بالتليفون".
وأضاف حسني، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، أنه ليس أب مثالي لأن كلمة مثالية كبيرة، متابعا: "مع ضغطة الشغل بكون منفصل عن ابنائي وساعات بيكون وقتي كتير في الشغل، وأنا مش أب مثالي ولكن بحاول اسمعهم على قد ما قدر واكون أب متفتح".
واستكمل: "في تربية ابنائي عندنا حته شرقي وحته صعيدي وفي ثوابت أهلنا ربونا عليها، وعشان اعمل التوازن بين اللي تربينا عليه واللي بيحصل دلوقتي من متطلبات العصر والأجيال الجديدة بيبقى في خناقة جو الواحد".
إقرأ أيضاً .. شاهد رقص أكرم حسني و آيتن عامر داخل كواليس «مكتوب عليا»
