نجحت الأجهزة الأمنية بالقاهرة، القبض على المتهمين بسرقة لاعب الزمالك السابق خالد الغندور أعلى الطريق الدائري في مصر القديمة.
وكشفت التحريات أن المتهمين "أ. م" ويبلغ من العمر 25 سنة والثاني "م. س" 28 سنة، قاما بارتكاب الواقعة بأسلوب الخطف.
وقال الغندور أمام جهات التحقيق في واقعة تعرضه للسرقة أعلى الطريق الدائري: " كنت راجع من مدينة نصر وطلعت دائري المعادي، وماشي براحتي علشان الدنيا كانت زحمة جدا، فجأة لقيت باب العربية اتفتح وواحد خطف مني التليفون عيني عينك، محستش بنفسي من الصدمة، ونزلت أجري وراه نط الحاجز وعدى الناحية التانية، وكان في واحد مستنيه بموتوسيكل من غير نمر ركب معاه وهربوا".
وتابع الغندور: "رجعت لقيت عربيتي ماشية وخبطت في عربية قدامي، والناس نزلت تتكلم معايا وقالولي ينفع كده يا كابتن قولتلهم خدوا رقمي وتحت أمركم في أي حاجة".
وأضاف لاعب الزمالك السابق: " الولد اللي سرق مني الموبايل عنده حوالي 14 سنة، والموبايل ايفون لسه جديد اشتريته من كام يوم بـ32 ألف جنيه".
اقرأ أيضا: ضبط شخصين بتهمة تزوير كارنيهات جهات حكومية بالموسكي
