دشن عدد كبير من رواد «السوشيال ميديا» هاشتاج « #حسن شحاتة »، عقب هزيمة منتخب مصر أمام نيجيريا بهدف نظيف ضمن مباريات الجولة الأولي للمجموعة الرابعة ببطولة كأس الأمم الإفريقية 2021.
حيث حملت الجماهير المصرية الهزيمة للبرتغالي كارلوس كيروش المدير الفنى للمنتخب الوطني عقب الأداء الهزيل الذي ظهر به اللاعبون في المباراة نتيجة بعض التغييرات داخل الخطة والتشكيل ومراكز اللاعبين .
وجاءت أبرز التغريدات كالآتى:
كتب فؤاد :« هو ده اللي عنده الحل حسن شحاته » ، وكتب اسلام :« الجمهور بيحب حسن شحاته كان محترم مافيش كوسه فيه نوايا صافيه دماغه كلها كوره " ، وكتب محمود :« ارجع شويه كده وفكر حسن شحاته هتلاقيه هو ال صنع الجيل ده من ايام منتخب شباب وطعمه بكام واحد » ، وكتبت سناء :« مينفعش ف الشوط التاني نعمل تغيير ونطلع كيروش وننزل حسن شحاته» ، وكتبت ندى :« تقريبا حسن شحاتة خد نجاحات المنتخب ليه لوحده خلاص ،كيرشو لازم يمشى ده وقت يا حسن شحاتة » ، وكتبت ميرفت :« الى الكابتن حسن شحاته المقيم بالقاهرة عليك السفر حالا فى اول طائرة متجهه الى الكاميرون » ، وكتب فرج :« الحقنا من الكفتجى كيروش هيضيعنا يا معلم » .
وكتب خليل :« كان أكتر ما يميز حسن شحاتة انه مدرب تقليدي جدا (اللي تغلب به العب به)» ، وكتب سمير :« حسن شحاته لعب كل لاعب في مركزه والعبوا كورة والجماهير في مصر منتظراكم » ، وكتب مختار :« اللي حضر المنتخب ايام حسن شحاته عمره ما هيحب منتخب الايام دي مهما حصل » ، وكتب حسنين :« والله العظيم المفروض اتحاد الكوره يتحاكم بسبب كيروش ده الشعب كله قال هاته حسام حسن او حسن شحاته و هما تفكيرهم زفت » ، وكتب مجدى :« اعلن اقالة هذا الكيروش فورا وارسال حسام حسن او ربيع ياسين او حسن شحاته بطيارة خاصة » ، وكتب صبرى :« الحل دلوقتي كيروش يجيله كورونا ، ونبعت نجيب حسن شحاتة في طيارة خاصة يكمل البطولة زي جادليو لما قال لعبد الحليم انت اللي هتغني يامنعم » وكتب حسام :« حسن شحاته كان بيروح يجيب الكاس ويرجع ،المنتخب لازم يدربه مدرب وطني، أفتكروا الجوهري الله يرحمه و حسن شحاتة » ، وكتبت منال :" ولا يوم من ايام حسن شحاته والله ، محتاجين نعمل تبديل بخروج كيروش ونزول حسن شحاتة » ، وكتبت سماء :« حسن شحاته كان بيحمس لاعيبة منتخب مصر بااغنية ماشربتش من نيلها وربنا كرمنا ب 3 بطولات ، كيروش بقا هيحمسهم بأغنية الغزاله رايقه ».
وكتب اسماعيل :" أين أنت يامعلم ؟ إنتقلت للحظات بذاكرتى للفريق القومى أيام المايسترو حسن شحاتة والسمفونية الرائعة التى تعزف على أرض الملعب وكانت مقارنة قمت على أثرها بفصل الكهرباء عن الشاشة وأنا ساخط على فريق يعزف نشاز وأداء متواضع لتشكيل سئ من مدرب خانة التوفيق !!!
