نشب أزمة كبيرة بين أحمد حسن كوكا مهاجم المنتخب المصري والمحترف بنادي قونيا سبور التركي وبين أحمد حسام ميدو نجم الزمالك ومنتخب مصر الأسبق، بعدما علق ميدو على تغريدة عبر موقع التواصل الاجتماعي "تويتر" قال خلالها على مستوى كوكا:" مهاجم متواضع لا يصلح للمستوى الدولي حتى ولو احرز ١٠٠٠ هدف".
ورد عليه كوكا قائلا :" مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه، ثالثا لو رقم الاهداف الي انا جايبه شايفه قليل ماجبتوش انت ليه، مع إن اللي بيلعب في نادي اكبر فرصه بتكون اكتر في التسجيل، رابعا حاولت تبقي مدرب و مبتكملش شهر في اي نادي".
وأضاف مهاجم قونيا سبور:" انا عارف ان اكبر غلط اني ارد عليك وانت فاضي و عندك برنامج تتكلم فيه كل يوم بس انا برده مش هيهدني كلامك و هفضل في طريقي ، مركز في مستقبلي و مش عايز حاجه من الناس بعد مبطل كوره و بعد لما اموت غير السيره الحلوه".
وتابع :" خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني".
إقرأ ايضا: مواعيد مباريات منتخب مصر في كأس أمم أفريقيا .. والقنوات الناقلة
